![អេ អឹម ខេ ដាក់ឲ្យប្រើប្រាស់ កាតឥណពន្ធ UnionPay ដែលបានបំពាក់មុខងារសុវត្ថិភាព ជាមួយភាពងាយស្រួល](https://cdn.cambonomist.com/media/images/393251167_317996404196347_71660756.2e16d0ba.fill-960x540.jpg)
![393693735_317997460862908_8603131765512581772_n](https://cdn.cambonomist.com/media/images/393693735_317997460862908_8603131765512581772_n.original.jpg)
កាតឥណពន្ធ UnionPay របស់ អេ អឹម ខេ គឺជាដំណោះស្រាយទូទាត់ទំនើប និងងាយស្រួល ដែលអាចឲ្យអតិថិជនទូទាត់ជាមួយបណ្ដាញរបស់ UnionPay មានជាង 63.5 ពាន់លានហាង និង 1.76 ពាន់លាន ATM ទូទាំងពិភពលោក ក៏ដូចជាស្ទើរគ្រប់ម៉ាស៊ីនដកប្រាក់ ATM និងម៉ាស៊ីនគិតប្រាក់ POS ក្នុងប្រទេសចិន។ ក្នុងប្រទេសកម្ពុជា លោកអ្នកអាចទូទាត់ជាមួយបច្ចេកវិទ្យា Contactless នៅហាងជាង ៩០% ក៏ដូចជាទិញទំនិញតាមគេហទំព័រអនឡាញទូទាំងពិភពលោក។
លោក គា បូរាណ ប្រធាននាយកប្រតិបត្តិនៃគ្រឹះស្ថានមីក្រូហិរញ្ញវត្ថុ អេ អឹម ខេ ភីអិលស៊ី បានមានប្រសាសន៍ថា “ដើម្បីបំពេញតម្រូវការរបស់អតិថិជន អេ អឹម ខេ បានដាក់ឲ្យដំណើរការនូវកាតឥណពន្ធ UnionPay (AMK UPI Debit card) នៅថ្ងៃនេះ ដែលកាតមានចំនួន ៣ ប្រភេទ ក្នុងនោះមាន កាតឥណពន្ធងាយស្រួល កាតឥណពន្ធសំណាង និងកាតឥណពន្ធប្រណិត។ កាតឥណពន្ធ UnionPay របស់ អេ អឹម ខេ មានភាពងាយស្រួល មិនសាំញ៉ាំស្រួលប្រើ និងមានសុវត្ថិភាពខ្ពស់ ក្នុងការទូទាត់តាមរយៈ ម៉ាស៊ីនឆូតកាត POS គេហទំព័រអនឡាញ (e-commerce platform) ក៏ដូចជាដកប្រាក់ពីម៉ាស៊ីន ATM។ កាតឥណពន្ធ UnionPay របស់ អេ អឹម ខេ អាចទូទាត់តាមបែបឌីជីថល Contactless ដែលមានភាពរហ័ស និងងាយស្រួលសម្រាប់អតិថិជនក្នុងការទូទាត់នៅគ្រប់ម៉ាស៊ីនឆូតកាត។ លោកបានបន្តថា “អេ អឹម ខេ បានបង្កើតផលិតផល និងសេវាកម្មហិរញ្ញវត្ថុជាច្រើន ដើម្បីធ្វើឱ្យប្រជាជនកម្ពុជា អាចស្វែងរកនូវសេវាកម្មរបស់យើងនៅកន្លែងតែមួយ” ។
![393304851_317997594196228_934110085813199409_n](https://cdn.cambonomist.com/media/images/393304851_317997594196228_93411008.2e16d0ba.fill-960x540.jpg)
![393346501_317996480863006_6940164952908461661_n](https://cdn.cambonomist.com/media/images/393346501_317996480863006_6940164952908461661_n.original.jpg)
កញ្ញា លាង ចិន្ដា នាយិកាគ្រប់គ្រងក្រុមហ៊ុន UnionPay ប្រចាំប្រទេសកម្ពុជា បានមានប្រសាសន៍ថា “កិច្ចសហការដ៏ស៊ីជម្រៅរវាង UnionPay និង AMK នឹងធ្វើឲ្យសេដ្ឋកិច្ចកម្ពុជា និងប្រទេសចិន កាន់តែមានភាពស្អិតរមួត។ កិច្ចសហការក្នុងការចេញកាតនេះ គឺជាការខិតខំយ៉ាងមុតមាំដែលជាទិសដៅរបស់ UnionPay ក្នុងប្រទេសកម្ពុជា។ កាតនេះនឹងក្លាយជាជម្រើសថ្មីមួយសម្រាប់ប្រជាជនក្នុងស្រុក។ មកដល់ពេលនេះ ស្ទើរតែគ្រប់ម៉ាស៊ីន ATM និងហាងទាំងអស់បានទទួលយកកាត UnionPay”។
បន្ថែមពីនេះទៀត អ្នកកាន់កាតឥណពន្ធ UnionPay របស់ អេ អឹម ខេ អាចទូទាត់បានយ៉ាងងាយស្រួលជាមួយបណ្ដាញជាសកលរបស់ UnionPay ដែលបានបង្កើតជាង ១៨១ ប្រទេស និងតំបន់ ក៏ដូចជាទទួលបានអត្ថប្រយោជន៍ជាច្រើនទៀតដូចជា៖
- ឥតគិតថ្លៃសេវាបើកកាត
- ឥតគិតថ្លៃសេវាប្រចាំឆ្នាំ
- ទឹកប្រាក់ត្រឡប់ ២% លើការចាយលើកដំបូង
- ទឹកប្រាក់ត្រលប់ ១% លើការចាយជាប្រចាំ
![393312912_318006584195329_4635664333138077565_n](https://cdn.cambonomist.com/media/images/393312912_318006584195329_46356643.2e16d0ba.fill-960x540.jpg)
ប្រសិនបើលោកអ្នកចង់បង្កើតកាតឥណពន្ធ UnionPay របស់ អេ អឹម ខេ លោកអ្នកអាចទំនាក់ទំនងសេវាបម្រើអតិថិជន 023 220 202/1800 200 200 (ឥតគិតថ្លៃសេវា) ឬ ហ្វេសប៊ុកផេកផ្លូវការ AMK អេ អឹម ខេ។ យើងក៏ផ្ដល់សេវាបង្កើតកាតដល់ទីតាំងផ្ទាល់ផងដែរ។
![394525697_317999837529337_5114098381647298251_n](https://cdn.cambonomist.com/media/images/394525697_317999837529337_51140983.2e16d0ba.fill-960x540.jpg)
អំពីគ្រឹះស្ថានមីក្រូហិរញ្ញវត្ថុ អេ អឹម ខេ
គ្រឹះស្ថានមីក្រូហិរញ្ញវត្ថុ អេ អឹម ខេ គឺជាគ្រឹះស្ថានមីក្រូហិរញ្ញវត្ថុឈានមុខគេក្នុងប្រទេសកម្ពុជា ដែលផ្តល់សេវាហិរញ្ញវត្ថុប្រកបដោយទំនួលខុសត្រូវ និងសម្បូរបែប ដល់អតិថិជនគ្រប់រូប និងគ្រួសារដែលមានចំណូលទាប ដើម្បីជួយសម្រេចបំណងប្រាថ្នាផ្នែកហិរញ្ញវត្ថុ និងជីវភាព ដែលពួកគាត់ចង់បាន។ អេ អឹម ខេ បានបង្កើតឡើងជាង ២០ឆ្នាំមកហើយ ដោយមានប្រតិបត្តិការនៅគ្រប់ខេត្ត និងស្រុកក្នុងប្រទេសកម្ពុជា ក្នុងនោះមានសាខាជាង ១៥១កន្លែង និងភ្នាក់ងារប្រមាណ ៦,០០០ កន្លែង។ អេ អឹម ខេ ផ្តល់សេវាហិរញ្ញវត្ថុជាច្រើនប្រភេទ រួមមានកម្ចី ប្រាក់បញ្ញើ និងសេវាប្រតិបត្តិការ/ការទូទាត់ប្រចាំថ្ងៃ។ បេសកកម្មរបស់ អេ អឹម ខេ គឺផ្ដល់សេវាហិរញ្ញវត្ថុប្រកបដោយទំនួលខុស ត្រូវ និងសម្បូរបែប ដល់អតិថិជនគ្រប់រូប ជាពិសេស ស្រ្តីនិងគ្រួសារដែលមានចំណូលទាប ដើម្បីជួយសម្រេចបំណងប្រាថ្នាផ្នែកហិរញ្ញវត្ថុ និងជីវភាព ដែលពួកគាត់ចង់បាន។
![393764908_317996177529703_2071673376415733818_n](https://cdn.cambonomist.com/media/images/393764908_317996177529703_2071673376415733818_n.original.jpg)
![393304418_317997210862933_6002591966671615171_n](https://cdn.cambonomist.com/media/images/393304418_317997210862933_6002591966671615171_n.original.jpg)