តើធ្វើដូចម្តេច ដើម្បីឲ្យការទូទាត់ប្រាក់លើការទិញ-លក់ អចលនទ្រព្យ និងភាគហ៊ុន មានសុវត្ថិភាព?

ការទិញ-លក់អចលនទ្រព្យ ភាគហ៊ុន ឬអាជីវកម្មផ្សេង អ្នកទិញតែងតែបារម្ភអំពីការបោកប្រាស់លើឯកសារនានា ឬខាតបង់ប្រាក់ទទេរៗ រីឯអ្នកលក់វិញ តែងតែបារម្ភថា ចុះកិច្ចសន្យាលក់ហើយ ប៉ុន្ដែមិនទទួលបានប្រាក់គ្រប់ចំនួនជាដើម។ ប្រសិនបើលោកអ្នកកំពុងមានបញ្ហាទាំងនេះ លោកអ្នកមិនចាំបាច់បារម្ភទៀតទេ សេវាកម្ម ABA Escrow របស់ធនាគារ ABA ពិតជាអាចជួយលោកអ្នកបានក្នុងការបញ្ជៀសនូវហានិភ័យទាំងអស់នេះ។

PR-KH

តើអ្វីទៅជាសេវាកម្ម ABA Escrow?

បន្ទាប់ពីទទួលបានអាជ្ញាបណ្ណប្រតិបត្តិករបរធនបាលកិច្ច ពីនិយ័តករបរធនបាលកិច្ច ធនាគារ ABA ដែលជាធនាគារពាណិជ្ជធំជាងគេនៅកម្ពុជា បានសម្រេចផ្ដល់ជូននូវសេវាកម្ម ABA Escrow ដោយសេវាកម្មនេះ នឹងជួយពង្រឹងបន្ថែមនូវសុវត្ថិភាព និងតម្លាភាពដល់ប្រតិបត្តិការទិញ-លក់ ជាច្រើនប្រភេទដូចជា ការទិញ-លក់អចលនទ្រព្យ, ការជួញដូរភាគហ៊ុន និងពាណិជ្ជកម្មផ្សេងទៀត ស្របតាមច្បាប់ជាធរមាននៃព្រះរាជាណាចក្រកម្ពុជា។ សេវាកម្មនេះ ពិតជាមានសារៈសំខាន់ ពិសេសសម្រាប់ភាគីអន្តរជាតិ ដែលមិនសូវយល់ច្បាស់អំពីទិដ្ឋភាពហិរញ្ញវត្ថុរបស់កម្ពុជា។

តើសេវាកម្ម ABA Escrow អាចជួយការពារប្រតិបត្តិការទិញ-លក់បានយ៉ាងដូចម្តេច?

ការមិនទទួលបានការទូទាត់សម្រាប់ការលក់អចលនទ្រព្យ៖ ប្រសិនបើអ្នក ជាអ្នកលក់ អ្នកអាចនឹងបារម្ភ ខ្លាចមិនបានទទួលប្រាក់ទូទាត់ ថ្លៃអចលនទ្រព្យដែលបានលក់។ ជាមួយសេវារក្សាសុវត្ថិភាព ឬ សេវារក្សារទុករបស់ធនាគាររឌ្ឍនៈ ABA Escrow អ្នកទិញ ត្រូវដាក់ប្រាក់ចូលទៅគណនី Escrow ហើយប្រាក់នោះនឹងបញ្ចេញទៅឲ្យលោកអ្នកដែលជាអ្នកលក់ភ្លាមៗ បន្ទាប់ពីកិច្ចព្រមព្រៀងទិញ-លក់ទាំងអស់ ត្រូវបានបំពេញរួចរាល់ស្របតាមលក្ខខណ្ឌ។ សេវាកម្មនេះ ការពារលោកអ្នកពីហានិភ័យនៃការលក់មិនទទួលបានប្រាក់ទូទាត់។
ការផ្ទេរប្លង់កម្មសិទ្ធិ៖ ប្រសិនបើលោកអ្នក ជាអ្នកទិញអចលនទ្រព្យដូចជា ដីធ្លី ផ្ទះសម្បែង លោកអ្នកអាចនឹងបារម្ភពីការផ្ទេរកម្មសិទ្ធិនៃអចលនវត្ថុមកក្រោមឈ្មោះរបស់លោកអ្នក ។ សេវាកម្មនេះ ការពារអ្នកពីហានិភ័យ ដែលអ្នកលក់ មិនប្រគល់ឯកសារប្លង់កម្មសិទ្ធិ ឬការប្រគល់ដោយមិនត្រឹមត្រូវជាដើម។
ការទិញ/លក់ភាគហ៊ុន៖ សេវាកម្មរក្សាសុវត្ថិភាព ឬ សេវារក្សារទុករបស់ធនាគាររឌ្ឍនៈ ABA Escrow ធានាថា អ្នកលក់នឹងទទួលបានប្រាក់ពីភាគហ៊ុនដែលបានលក់ ហើយអ្នកទិញទទួលបានភាគហ៊ុនដែលពួកគេបានទិញ។ ABA នឹងរក្សាទុកទឹកប្រាក់ទិញ រហូតដល់លក្ខខណ្ឌជាក់លាក់ត្រូវបានបំពេញរួចរាល់ ដូចជា ការផ្ទេរកម្មសិទ្ធិភាគហ៊ុន បញ្ជាក់ពីភាពត្រឹមត្រូវ និងពិតប្រាកដ និងផ្ទៀងផ្ទាត់ថា មិនមានបំណុល ឬមានបន្ទុកណាមួយពាក់ព័ន្ធលើភាគហ៊ុននោះទេ។

សូមបញ្ជាក់ថា ធនាគារ ABA គឺជាប្រតិបត្តិករបរធនបាល ដែលទទួលបានអាជ្ញាប័ណ្ណស្របតាមច្បាប់ និងជាធនាគារពាណិជ្ជធំជាងគេបំផុតនៅកម្ពុជា ដែលមានភាគហ៊ុនិកដ៏រឹងមាំ នោះគឺធនាគារជាតិកាណាដា។ គិតត្រឹមចុងឆ្នាំ២០២២ ធនាគារ ABA មានប្រាក់ចំណេញសុទ្ធ ២៦២លានដុល្លារអាមេរិក ខណៈទ្រព្យសកម្មសរុបប្រមាណ ៩ពាន់លានដុល្លារ, ទំហំប្រាក់បញ្ញើ ៧,៤ពាន់លានដុល្លារ, ទំហំប្រាក់កម្ចីមានជាង ៦,៥ ពាន់លានដុល្លារ, មានសាខាចំនួន៨៥ និងបុគ្គលិកជិត៨ពាន់នាក់។

សម្រាប់ព័ត៌មានបន្ថែមលើការប្រើប្រាស់សេវាកម្ម Escrow ពីធនាគារ ABA សូមទាក់ទងមកលេខ 1 800 203 203 (ប្រព័ន្ធទូរស័ព្ទឥតគិតថ្លៃសម្រាប់ការហៅក្នុងប្រទេសកម្ពុជា) ឬតាមអ៊ីមែល [email protected] ឬចូលទៅកាន់ Linkនេះ https://www.ababank.com/km/escrow-service ។

None