អ្នកនាំពាក្យស្ថានទូតអាមេរិកប្រចាំកម្ពុជា លោក Arend Zwartjes បានប្រាប់សារព័ត៌មានពិភពលោក រ៉យទ័រ (Reuters) នាសប្ដាហ៍នេះ ថា ក្រសួងសន្តិសុខជាតិអាមេរិកបានត្រួតពិនិត្យរកឃើញនិងពិន័យទៅលើក្រុមហ៊ុនដែលស្ថិតក្នុងតំបន់សេដ្ឋកិច្ចពិសេសក្រុងព្រះសីហនុ ដែលបានបំពានបំរាមគយរបស់អាមេរិក ប៉ុន្តែ លោកមិនបានបង្ហាញឈ្មោះក្រុមហ៊ុនឬទំហំនៃការពិន័យ យ៉ាងដូចម្តេចនោះទេ។
លោកក៏មិនបាននិយាយថា តើមានក្រុមហ៊ុនចំនួនប៉ុន្មាន ដែលត្រូវបានគេពិន័យឬក៏នាំទំនិញប្រភេទអ្វីនោះដែរ។
ជាការឆ្លើយតប តំបន់សេដ្ឋកិច្ចពិសេសក្រុងព្រះសីហនុ បាននិយាយនៅក្នុងសេចក្តីថ្លែងការណ៍ថា ខ្លួនបានធ្វើការស៊ើបអង្កេតភ្លាមៗ បន្ទាប់ពីទទួលព័ត៌មាននេះ ហើយមិនបានរកឃើញក្រុមហ៊ុនណាមួយនៃក្រុមហ៊ុនចំនួន២៩ ដែលនាំចេញទៅអាមេរិក ត្រូវបានគេស៊ើបអង្កេត ឬពិន័យនោះទេ។
តើបានអានអត្ថបទនេះ ឬនៅ?
តំបន់សេដ្ឋកិច្ចពិសេសក្រុងព្រះសីហនុ បាននិយាយដូច្នេះថា ៖ «យើងមានការសោកស្តាយយ៉ាងខ្លាំងចំពោះការខូចខាតដល់កេរ្តិ៍ឈ្មោះរបស់ SSEZ ដែលបណ្តាលមកពីរបាយការណ៍មិនពិតខាងលើ។»
តំបន់សេដ្ឋកិច្ចពិសេសក្រុងព្រះសីហនុ បានបន្ថែមដូច្នេះថា ៖ «យើងតែងតែទាមទារឲ្យមានការបង្កើតនិងការគ្រប់គ្រងតាមច្បាប់និងបទប្បញ្ញត្តិ និងប្រឆាំងយ៉ាងម៉ឺងម៉ាត់ចំពោះសកម្មភាពខុសច្បាប់ណាមួយ។»
តំបន់សេដ្ឋកិច្ចពិសេសក្រុងព្រះសីហនុ បានអះអាងថា នាពេលអនាគត នឹងបន្តប្រតិបត្តិការដោយអនុលោមតាមច្បាប់និងបទប្បញ្ញត្តិនានា ពង្រឹងបន្ថែមទៀតនូវការគ្រប់គ្រងសហគ្រាសនៅ SSEZ និងធ្វើឱ្យ SSEZ ដំណើរការបានល្អ។
តើបានអានអត្ថបទនេះ ឬនៅ ?
តំបន់សេដ្ឋកិច្ចពិសេសក្រុងព្រះសីហនុ គឺជាតំបន់កិច្ចសហប្រតិបត្តិការសេដ្ឋកិច្ចនិងពាណិជ្ជកម្ម ដែលបង្កើតឡើងដោយសហគ្រាសចិននិងកម្ពុជា ដែលជាគម្រោងដ៏សំខាន់មួយ ក្រោមគំនិតផ្តួចផ្តើម "ខ្សែក្រវាត់និងផ្លូវ" របស់ប្រធានាធិបតីចិន លោក ស៊ី ជិនពីង។
តំបន់សេដ្ឋកិច្ចពិសេសក្រុងព្រះសីហនុនេះ ក៏មានក្រុមហ៊ុនផលិតផលិតផល ដូចជា វាយនភណ្ឌ សម្លៀកបំពាក់ កាបូបនិងផលិតផលស្បែកនិងឧបករណ៍ផ្សេងៗផងដែរ។
ដោយសារប្រព័ន្ធអនុគ្រោះទូទៅ (GSP) កម្ពុជាអាចនាំចេញទំនិញធ្វើដំណើរ ដូចជា កាបូប ទៅកាន់សហរដ្ឋអាមេរិកដោយមិនត្រូវបង់ពន្ធ។
ធនាគារពិភពលោក បានឱ្យដឹងកាលពីខែមេសា ថា សេដ្ឋកិច្ចកម្ពុជាបានកើនឡើងខ្លាំង កាលពីឆ្នាំមុន (ឆ្នាំ២០១៨) ក៏ដោយសារតែមានកំណើនការនាំចេញទៅអាមេរិកដែរ៕
None
