ការប្រមូលថវិកានេះ ត្រូវបានធ្វើឡើងដោយ ក្រុមហ៊ុនមេ Temasek Holdings ដែលជាវិនិយោគិនធំបំផុតរបស់ ក្រុមហ៊ុនអាកាសចរណ៍សិង្ហបុរី ដែលកាន់ចំណែក ៥៥% របស់ក្រុមហ៊ុន។
លោក Peter Seah ប្រធានក្រុមហ៊ុនអាកាសចរណ៍សិង្ហបុរី បានគូសបញ្ជាក់ថា តម្លៃភាគហ៊ុនរបស់ក្រុមហ៊ុន បានធ្លាក់ចុះទៅក្នុងភាពជាប់គាំងមួយ ទាបបំផុតក្នុងរយៈពេល ២២ឆ្នាំចុងក្រោយនេះ ដោយសារតែ វិនិយោគជាច្រើន ភ័យខ្លាចថា មេរោគកូវីដ១៩ អាចជះឥទ្ធិពលអាក្រក់បំផុតដល់ ក្រុមហ៊ុននេះ បន្ទាប់ពីរដ្ឋាភិបាលសិង្ហបុរី ចាប់ផ្តើមវិធានការផ្អាកជើងហោះហើរឆ្លងកាត់ សិង្ហបុរី រួចមក។
នៅក្នុងសេចក្តីប្រកាសព័ត៌មានរបស់ ក្រុមហ៊ុនអាកាសចរណ៍សិង្ហបុរី បានគូសបញ្ជាក់ថា នេះជាបញ្ហាប្រឈមដ៏ធំបំផុត ដែលពួកគេមិនដែលបានជួបប្រទះពីមុនមក ក្នុងនោះយន្តហោះទំនើប SIA និង SilkAir ចំនួន ១៣៨គ្រឿង ក្នុងចំណោមយន្តហោះសរុប ១៤៧គ្រឿង នឹងត្រូវដាក់សំចតចោល ហើយក្រុមហ៊ុនក៏កាត់បន្ថយចំណាយ ដែលប៉ះពាល់ដល់បុគ្គលជាង ១ម៉ឺននាក់។
អត្ថបទទាក់ទង
ទោះយ៉ាងណា ក្រុមហ៊ុន នៅមិនទាន់ប្រាកដថា ពេលណាអាចចាប់ផ្តើមដំណើរការជាធម្មតា វិញនោះទេ រហូតដល់ពេល ការរឹតបន្តឹងព្រំដែន ត្រូវបានលើកលែង។
គួរជម្រាបដែរថា ក្រុមហ៊ុនអាកាសចរណ៍សិង្ហបុរី ក៏គ្រោងនឹងបោះផ្សាយលក់មូលបត្រថ្មី ជាង ១០ពាន់លានដុល្លារអាមេរិកបន្ថែមទៀត និងប្រើប្រាស់កម្ចីរយៈពេលខ្លីពី ធនាគារ ប្រមាណ ៤ពាន់លានដុល្លារអាមេរិក ដើម្បីគាំទ្រដល់តម្រូវការសាច់ប្រាក់រយៈពេលខ្លីរបស់ក្រុមហ៊ុន៕
None
