ថ្នាក់ដឹកនាំជាន់ខ្ពស់នៃ នាយកដ្ឋានពន្ធដារថៃ បានគូសបញ្ជាក់ថា ការអនុវត្តគោលនយោបាយប្រមូលចំណូលពន្ធ តាមរយៈប្រព័ន្ធបច្ចេកវិទ្យាទំនើប គឺមិនប៉ះពាល់ដល់ ការងើបឡើងនៃសេដ្ឋកិច្ចជាតិ ដែលរងប៉ះពាល់ដោយ វិបត្តិកូវីដ១៩នោះទេ ដូច្នេះហើយ ទើបរាជរដ្ឋាភិបាល សម្រេចមិនតម្លើងពន្ធលើទំនិញ ព្រោះការតម្លើងពន្ធ នឹងធ្វើឲ្យសេដ្ឋកិច្ចកាន់តែជាប់គាំង។
លើសពីនេះ នាយកដ្ឋានពន្ធដារថៃ មានភារកិច្ចប្រមូលចំណូលពន្ធ សម្រាប់ហិរញ្ញវត្ថុជាតិឲ្យបាន ១៨ពាន់លានដុល្លារអាមេរិក ក្នុងឆ្នាំ ២០២០នេះ នឹងត្រូវប្រមូលឲ្យបាន ១៧ពាន់លានដុល្លារអាមេរិក នៅឆ្នាំ ២០២១ខាងមុខ ដែលមានការថមថយចុះបន្តិច។
ទោះយ៉ាងណា ការប្រមូលចំណូលពន្ធ ដោយប្រើប្រាស់បច្ចេកវិទ្យា Blockchain គឺត្រូវតែមានការកំណត់តម្លៃទំនិញ ពន្ធនាំចូល និងបំណុលពន្ធរបស់ ផលិតផលនាំចូលនីមួយៗ ហើយការគេចវេសបង់ពន្ធ នឹងកាន់តែពិបាកជាងមុន សម្រាប់ជនខូចខិល។
អត្ថបទគួរអាន
សូមជម្រាបដែរថា ដំណើរការនៃការចាប់ផ្តើមប្រើប្រាស់បច្ចេកវិទ្យាដើម្បីប្រមូលពន្ធនេះ នឹងចាប់ផ្តើមនៅក្នុងត្រីមាសទី ១ ឆ្នាំ ២០២១ខាងមុខ ហើយមុខទំនិញសំខាន់ជាងគេ ដែលត្រូវចាប់ផ្តើមមុនគេគឺ ប្រេងឆៅ ដោយសារតែវាជាមុខទំនិញដែលរកប្រាក់ចំណូលបានជាង ៦ពាន់លានដុល្លារអាមេរិក ក្នុងមួយឆ្នាំៗ៕
None
