ក្រសួងមហាផ្ទៃថៃក៏បានចេញសេចក្តីប្រកាសអនុញ្ញាតឲ្យ ក្រុមពលករចំណាកស្រុកមួយចំនួន ដែលមានស្រាប់ក្នុងប្រទេសថៃអាចចុះឈ្មោះបន្ត និងធ្វើការដោយស្របច្បាប់ឡើងវិញផងដែរ។ នេះបើយោងតាមការចុះផ្សាយដោយសារព័ត៌មានបាងកកប៉ុស្តិ៍។
ក្រសួងការងារថៃបាននិយាយថាក្រសួងមិនបានព្រងើយកន្តើយចំពោះបញ្ហាកង្វះខាតពលករចំណាកស្រុកនៅក្នុងអាជីវកម្មមួយចំនួនរបស់ថៃនោះទេ ហើយរដ្ឋាភិបាលកំពុងពិចារណានាំយកពលករបរទេសបន្ថែមទៀតតាមការអនុញ្ញាតក្រោមដំណោះស្រាយរបស់គណៈរដ្ឋមន្ត្រី ដែលពាក់ព័ន្ធ។ ក្រសួងការងារថៃបានបន្តទៀតថា វិធានការទាក់ទងនឹងស្ថានភាពចាក់វ៉ាក់សាំងដល់ពលករចំណាកស្រុក នីតិវិធីធ្វើចត្តាឡីស័ក និងការធ្វើតេស្តរកមេរោគកូវីដ-១៩ នឹងត្រូវសម្រេចឆាប់ៗនេះហើយ។
ដោយឡែក ចំពោះក្រសួងមហាផ្ទៃថៃក៏បានបានចេញសេចក្តីប្រកាសអនុញ្ញាតឲ្យ ក្រុមពលករចំណាកស្រុកមួយចំនួន ដែលមានស្រាប់ក្នុងប្រទេសថៃអាចចុះឈ្មោះបន្ត និងធ្វើការដោយស្របច្បាប់ឡើងវិញផងដែរ។
បច្ចុប្បន្ននេះប្រទេសថៃត្រូវការកម្មករបរទេសចំនួន ៤២ម៉ឺននាក់ ហើយភាគច្រើននៅក្នុងឧស្សាហកម្មសំណង់ ផលិតកម្ម និងអាហារសមុទ្រ ដែលវិស័យទាំងនេះបានពឹងផ្អែកយ៉ាងខ្លាំងលើកម្លាំងពលកម្មចំណាកស្រុក។ ប៉ុន្តែ ក្នុងអំឡុងពេលមានវិបត្តិកូវីដ១៩ កម្មករចំណាកស្រុកជាច្រើនបានចាកចេញពីប្រទេសថៃ ហើយមិនបានត្រឡប់ចូលទៅវិញនៅឡើយទេ ដោយសារតែវិធានការគ្រប់គ្រងដ៏តឹងរឹងនៅតាមច្រកព្រំដែន និងច្បាប់ធ្វើចត្តាឡីស័កបានបញ្ឈប់ការធ្វើចំណាកស្រុកស្ទើរតែទាំងអស់។
អត្ថបទគួរអាន
យ៉ាងណាមិញ ជុំវិញបញ្ហាទាំងអស់នេះ លោក ប្រាយុទ ចាន់អូចា មានការព្រួយបារម្ភយ៉ាងខ្លាំងចំពោះបញ្ហានៃការឆ្លងព្រំដែនខុសច្បាប់។ ជាក់ស្ដែង ក្នុងរយៈពេលមួយសប្តាហ៍កន្លងនេះ មកបន្ទាប់ពីការបើកប្រទេសឡើងវិញ ពលករចំណាកស្រុកជាង ២ពាន់ ៨០០នាក់ ត្រូវបានឃុំខ្លួនពីបទឆ្លងដែនខុសច្បាប់ ដែលជាចំនួនមួយគួរឱ្យព្រួយបារម្ភ។
គួរបញ្ជាក់ផងដែរថា កន្លងមកនេះ ពលករចំណាកស្រុកខុសច្បាប់ ដែលលួចចូលប្រទេសថៃ ត្រូវបានគេរកឃើញថា បានបង្កឱ្យមានការផ្ទុះឡើងជាថ្មីនៃជំងឺកូវីដ-១៩ នៅតាមទីផ្សារក្នុងទីក្រុងបាងកក សាមុតសាខុន និងថ្មីៗនេះផ្ទុះឡើងវិញនៅឈៀងម៉ៃផងដែរ៕
អត្ថបទ៖ ស៊ើង និមល់
None
