លោក ឆៃរ៉ាត ឆារាតផុន ប្រធានក្រុមប្រឹក្សាទេសចរណ៍ថៃ បានបង្ហាញថា ការខាតបង់ ត្រូវបានគណនាដោយផ្អែកលើ ការចំណាយជាមធ្យមប្រមាណ ១,៦ពាន់ដុល្លារអាមេរិក របស់ ភ្ញៀវទេសចរចិនម្នាក់ៗ ដែលចូលមកកម្សាន្តនៅប្រទេសថៃ។
លោក បន្តថា បើសិនជា បញ្ហាជម្ងឺថ្មីនេះអូសបន្លាយកាន់តែយូរ ផលអវិជ្ជមានដែលប៉ះពាល់ដល់ វិស័យទេសចរណ៍ថៃ នឹងរីកកាន់តែធំ ហើយអាជីវកម្មខ្នាតតូច និងមធ្យមនឹងរងគ្រោះខ្លាំងជាងគេ ព្រោះគេគ្មានទុនបម្រុង ដូចក្រុមហ៊ុនធំៗឡើយ។
ក្រុមប្រឹក្សាទេសចរណ៍ថៃ ក៏បានសហការជាមួយអាជ្ញាធរសុខាភិបាលថៃ និងភាគីពាក់ព័ន្ធ ក្នុងការប្រកាសឲ្យ ប្រជាពលរដ្ឋថៃ និងភ្ញៀវទេសចរ ឲ្យមានការប្រុងប្រយ័ត្នជាងមុន ដោយពាក់ម៉ាសឲ្យបានត្រឹមត្រូវ លាងដៃឲ្យញឹកញាប់ និងជៀសវាងចូលទៅកាន់ តំបន់ដែលមានមនុស្សច្រើន បើសិនជាមិនចាំបាច់។
អត្ថបទទាក់ទង!
បើតាមរបាយការណ៍ពី រាជរដ្ឋាភិបាលថៃ បានបញ្ជាក់ថា កាលពីឆ្នាំ ២០១៩ ភ្ញៀវទេសចរចិន បានចំណាយប្រាក់ជាង ១៨ពាន់លានដុល្លារអាមេរិក លើការកម្សាន្តនៅក្នុងប្រទេសថៃ ហើយវិធានការហាមឃាត់ភ្ញៀវទេសចរចិន មិនឲ្យធ្វើដំណើរទៅក្រៅប្រទេស ពិតណាស់ នឹងប៉ះពាល់ដល់សេដ្ឋកិច្ចថៃ។
យ៉ាងណាក៏ដោយ ក្រុមប្រឹក្សាទេសចរណ៍ថៃ រំពឹងនឹងទទួលបាន ដំណោះស្រាយពី រាជរដ្ឋាភិបាលថៃ ក្នុងពេលឆាប់ៗ ដើម្បីគ្រប់គ្រងដល់ការរាតត្បាតនៃមេរោគកូរ៉ូណា និងអាចសម្រួលដល់ស្ថានការណ៍លំបាករបស់វិស័យទេសចរណ៍។
គួរជម្រាបដែរថា អាជ្ញាធរសុខាភិបាលចិន បានបញ្ជាក់ថា គិតត្រឹមព្រឹកថ្ងៃទី ២៧ ខែមករា ឆ្នាំ២០២០នេះ ករណីមនុស្សឆ្លងមេរោគ Corona បានកើនដល់ជាង ២.៨០០នាក់ និងសម្លាប់មនុស្សអស់ ៨០នាក់ នៅក្នុងប្រទេសចិន ខណៈដែរប្រទេសថៃ មានករណីឆ្លងចំនួន ៨ករណី៕
None
