លោក សុំដេត អគ្គនាយក នៃអគ្គនាយកដ្ឋានជម្រុញពាណិជ្ជកម្មអន្តរជាតិថៃ បានអះអាងថា ដើម្បីសម្រេចនូវគោលដៅនេះ ថៃ ត្រូវជម្រុញការនាំចេញទំនិញឲ្យបាន ១២ពាន់លានដុល្លារអាមេរិក ក្នុងមួយឆ្នាំ ដោយផ្តោតទៅលើ វិស័យឧស្សាហកម្មបន្ថែមតម្លៃ ដូចជា វិស័យឌីជីថល វិស័យចំណីអាហារ និងវិស័យសុខាភិបាល។
លោក បន្តថា ថៃ ដាក់គោលដៅធៀបនឹង បណ្តាប្រទេសក្នុងតំបន់អាស៊ី ពីព្រោះថា បណ្តាប្រទេសទាំងអស់នេះហើយ ជាអ្នកផ្គត់ផ្គង់ទំនិញសំខាន់ៗ ទៅកាន់ទីផ្សារសកលលោកតែម្តង។
កាលពីឆ្នាំ ២០១៩កន្លងទៅ ប្រទេសចិន ឈរនៅលំដាប់លេខ ១ ក្នុងតំបន់ ដែលមានទំហំពាណិជ្ជកម្មអន្តរជាតិ ៣ទ្រីលានដុល្លារអាមេរិក ហើយប្រទេសជប៉ុន ឈរនៅលេខរៀងទី ២ មានទំហំទឹកប្រាក់ជាង ៧០០ពាន់លានដុល្លារអាមេរិក ខណៈ វៀតណាម ជាប់លេខ ៧ មានទឹកប្រាក់ជាង ២៦០ពាន់លានដុល្លារអាមេរិក ហើយ ថៃ ស្ថិតនៅលំដាប់ទី ៨ មានទំហំពាណិជ្ជកម្មជាង ២៤០ពាន់លានដុល្លារអាមេរិក។
អត្ថបទទាក់ទង!
បើតាមមន្ត្រីជាន់ខ្ពស់នៃ ក្រសួងពាណិជ្ជកម្មថៃ បានបញ្ជាក់ថា កត្តាសំខាន់ និងចំបងបំផុត ដែលអាចគាំទ្រដល់គោលដៅនាពេលនេះ គឺ គោលនយោបាយរបស់រាជរដ្ឋាភិបាលថៃ ក្នុងការគាំទ្រដល់ វិស័យឧស្សាហកម្មដែលមានសក្តានុពល នៅក្នុងច្រករបៀងសេដ្ឋកិច្ចខាងកើត និងការទប់ស្កាត់ការរីករាលដាលនៃ មេរោគកូវីដ១៩។
វិស័យសក្តានុពល ដែលស្ថិតក្នុងគោលដៅរបស់ រដ្ឋាភិបាលថៃ រួមមាន បច្ចេកវិទ្យាឆ្លាតវៃ, រថយន្ត, ទេសចរណ៍បែបសុខភាព និងវេជ្ជសាស្ត្រ, ចំណីអាហារ, វិស័យដឹកជញ្ជូន និងកសិកម្មជាដើម។
សូមជម្រាបដែរថា រដ្ឋាភិបាលថៃ បាននិងកំពុងបន្ថែមល្បឿន រៀបចំយុទ្ធសាស្ត្ររយៈពេលខ្លី មធ្យម និងវែង ដើម្បីស្វែងរកទីផ្សារបន្ថែម រួមបញ្ចូលទាំងទីផ្សារអនឡាញ ការបង្កើតសកម្មភាពពិព័រណ៍ និងការប្រកួតប្រជែងផលិតផល តាមប្រព័ន្ធអនឡាញថែមទៀតផង៕
None
