លោកស្រី ហារីស អាចក្លាយជាបេក្ខជនប្រធានាធិបតីអាម៉េរិក ប្រសិនបើលោក បៃដិន បោះបង់ការឈរឈ្មោះ
គ្មាននរណាដឹងច្បាស់ថា តើដំណើរការជ្រើសរើសបេក្ខភាពថ្មីនឹងទៅជាយ៉ាងណានោះទេ ប្រសិនបើលោក ចូ បៃដិន លាឈប់ពីបេក្ខភាពប្រធានាធិបតីអាម៉េរិក ប៉ុន្ត…
របាយការណ៍ចេញផ្សាយកាលពីពេលថ្មីៗនេះដោយ Platform មួយដែលមានឈ្មោះថា OpenGov Asia បង្ហាញថា ប្រទេសវៀតណាម បានវ៉ាឈ្នះប្រទេសហ្វីលីពីន ក្លាយជាទីផ្សារអាជីវកម្មអនឡាញ ឬ E-commerce ដ៏ធំបំផុតទី៣នៅក្នុងតំបន់។ កាលពីឆ្នាំមុន ទំហំជួញដូរសរុបនៅលើ Platform E-commerce កំពូលទាំង៨ នៅអាស៊ីអាគ្នេយ៍ បានឈានដល់ជាង១១៤ពាន់លានដុល្លារអាម៉េរិក ដោយកើនឡើង១៥%។ ទោះបីជាមានបញ្ហាប្រឈមផ្នែកម៉ាក្រូសេដ្ឋកិច្ចយ៉ាងណាក្ដី ក៏វិស័យអាជីវកម្មអនឡាញ ឬ E-commerce នៅអាស៊ីអាគ្នេយ៍ សម្រេចបានកំណើនជាបន្តបន្ទាប់ ដោយទំហំជួញដូរសរុបនៅលើ Platform E-commerce នៅឆ្នាំនេះព្យាករថានឹងកើនឡើងទ្វេដងបើធៀបនឹងឆ្នាំ២០២០។
ប្រទេសវៀតណាម និងប្រទេសថៃ បាននាំមុខគេក្នុងទំហំជួញដូរសរុបនៅលើ Platform E-commerce ដោយវៀតណាមបានកើនឡើងជិត៥៣% ហើយថៃ បានកើនឡើងជាង៣៤% បើធៀបនឹងរយៈពេលដូចគ្នាកាលពីឆ្នាំមុន។
ទីផ្សារអាជីវកម្មអនឡាញ ឬ E-commerce របស់វៀតណាម សម្រេចបានកំណើនជាប់លាប់ ដោយមានអត្រាកំណើនប្រចាំឆ្នាំជាមធ្យមពី១៦% ទៅ៣០% ក្នុងរយៈពេល៤ឆ្នាំចុងក្រោយនេះ ដែលជាអត្រាកំណើនខ្ពស់បំផុតនៅលើពិភពលោក។
នៅក្នុងតំបន់អាស៊ាន Shopee ដែលជា Platform E-commerce ដ៏ធំមួយគ្របដណ្តប់ទំហំជួញដូរសរុបជាង៥៥ពាន់លានដុល្លារអាម៉េរិក កាលពីឆ្នាំមុន ដោយដណ្ដើមបានចំណែកទីផ្សារ៤៨%។ ហើយទន្ទឹមនេះ TikTok Shop បានក្លាយជា Platform អាជីវកម្មអនឡាញ ឬ E-commerce ដ៏ធំបំផុតទី២នៅក្នុងតំបន់។ នៅក្នុងប្រទេសវៀតណាម TikTok Shop កាន់កាប់ចំណែកទីផ្សារ២៤% ដែលធ្វើឱ្យវាក្លាយជា Platform E-commerce ធំបំផុតទី២ នៅក្នុងប្រទេសនេះ។
សូមបញ្ជាក់ថា តារា ខេអូអិល (KOL) ដើរតួនាទីយ៉ាងសំខាន់ក្នុងការជះឥទ្ធិពលលើទីផ្សារអាជីវកម្មអនឡាញ ឬ E-commerce ក្នុងប្រទេសវៀតណាម ថៃ និងឥណ្ឌូនេស៊ី៕
ដោយ: តែម សុខុម
None
