អាជីវកម្មជាង៨ម៉ឺននៅវៀតណាមបាត់ខ្លួនចេញពីទីផ្សារក្នុងរយៈពេល៨ខែឆ្នាំនេះ
ប្រទេសវៀតណាមបច្ចុប្បន្ននេះ កំពុងរងការវាយលុកកាន់តែខ្លាំងឡើងៗដោយសាររលកមេរោគកូវីដ-១៩ ដែលកំពុងធ្វើឲ្យសេដ្ឋកិច្ចវៀតណាម ក៏រងផលប៉ះពាល់មិនតិច…
រដ្ឋមន្ត្រីក្រសួងសាធារណការថៃ លោក សាក់សាយ៉ាម ឈីតឆប់ បាននិយាយថា នាយកដ្ឋានផ្លូវដែក នៃក្រសួងសាធារណការថៃ ជាអ្នកទទួលខុសត្រូវក្នុងការសិក្សា ក៏ដូចជារៀបចំថវិកា និង សិក្សាពីលទ្ធភាពដែលអាចប្រើប្រាស់ ទូររថភ្លើងដើរដោយថាមពលអគ្គិសនីនៅលើប្រព័ន្ធផ្លូវដែករបស់ថៃដែលមានស្រាប់។
លោកបានបន្ថែមថា នាយកដ្ឋានផ្លូវដែកក៏នឹងសហការជាមួយវិទ្យាស្ថានជំនាញ ដើម្បីរចនាទូររថភ្លើង ឲ្យមានភាពប្រណីត មុននឹងដាក់ដំណើរការសាកល្បងនៅចំណត បាងស៊ូ (Bang Sue Grand Station) ស្ថិតនៅចំកណ្តាលទីក្រុងបាងកក ដែលជាចំណតរថភ្លើងដ៏មមាញឹកមួយ។
រដ្ឋមន្ត្រីក្រសួងសាធារណការថៃរូបនេះ ឲ្យដឹងទៀតថា គម្រោងរថភ្លើងប្រើប្រាស់ថាមពលអគ្គិសនីនេះ នៅមានបញ្ហាច្រើនដែលត្រូវធ្វើ នឹងដោះស្រាយនៅឡើយ។ ជាក់ស្តែង បញ្ហាការផ្គត់ផ្គង់អគ្គិសនីជារឿងសំខាន់ ដោយក្រសួងបាន ណែនាំឲ្យអ្នកជំនាញសិក្សាពីការគ្រប់គ្រងអគ្គិសនីដើម្បីធានាថា ផ្លូវដែកដើរដោយថាមពលអគ្គិសនីថ្មីនេះដំណើរការប្រកបដោយប្រសិទ្ធភាពខ្ពស់។
គួរជម្រាបថា គម្រោងទូររថភ្លើងថ្មីនេះ នឹងបញ្ចប់ការសិក្សា និងរចនាម៉ូតត្រឹមឆ្នាំ២០២២ខាងមុខនេះ ហើយគ្រោងនឹងដាក់ដំណើរការប្រើប្រាស់សាកល្បងយ៉ាងយូរនៅឆ្នាំ ២០២៣។
សូមបញ្ជាក់ថា ទោះបីស្ថិតក្នុងវិបត្តិកូវីដ១៩ក្តី ប៉ុន្តែថៃមិនមានផ្អាក ឬលុបចោលគម្រោងអភិវឌ្ឍហេដ្ឋារចនាសម្ព័ន្ធរបស់ខ្លួននោះទេ ជាពិសេសប្រព័ន្ធផ្លូវដឹកជញ្ជូន ដែលជាសសៃឈាមសេដ្ឋកិច្ចដ៏សំខាន់មួយ សម្រាប់ការអភិវឌ្ឍប្រទេសជាតិរបស់ថៃ។
មិនត្រឹមតែមិនបានផ្អាក ឬលុបចោលនោះទេ ជាក់ស្តែងកាលពីពេលថ្មីៗនេះ ថៃបានប្រកាសពីគម្រោងសាងសង់ផ្លូវរថភ្លើងល្បឿនលឿនមួយខ្សែ ចេញពីក្រុងបាងកកឆ្ពោះត្រង់ទៅខេត្តប៉ាតាយ៉ា ជាប់ឆ្នេរសមុទ្ររបស់ថៃ ដើម្បីសម្រួល និងកាត់បន្ថយថ្លៃចំណាយការធ្វើដំណើររបស់ភ្ញៀវទេសចរ ព្រមទាំង ជាការត្រៀមទទួលយកទេសចរបរទេសឡើងវិញក្រោយកូវីដ១៩ផងដែរ៕
None
