តាមការចុះផ្សាយពីកាសែតបាងកកប៉ុស្ដិ៍ កាលពីពេលថ្មីៗនេះ រាជរដ្ឋាភិបាលថៃ សន្យាថា នឹងឧបត្ថម្ភថវិកា ១៦.០០០ បាត ឬស្មើនឹងប្រមាណ ៤៨០ ដុល្លារអាមេរិក សម្រាប់ផ្ទៃដីដុះ ១រ៉ៃ ដោយកំណត់យក ត្រឹមតែ ១០រៃប៉ុណ្ណោះ ក្នុងមួយគ្រួសារ សម្រាប់កសិករដែលចូលរួមនៅក្នុងគម្រោងនេះ។ ប៉ុន្ដែ កសិករដែលមានលក្ខណៈសម្បត្តិគ្រប់គ្រាន់ ត្រូវតែដាំដុះកៅស៊ូនៅលើផ្ទៃដី ដែលពួកគាត់មានប័ណ្ណកម្មសិទ្ធិត្រឹមត្រូវ។
តាមការដកស្រង់សម្ដីដោយកាសែតបាងកកប៉ុស្ដិ៍ រាជរដ្ឋាភិបាលថៃ ចង់ចាប់ផ្ដើមអនុវត្តគម្រោងនេះ នៅដើមខែក្រោយនេះតទៅ ហើយការកាត់បន្ថយផ្ទៃដីដាំដុះកៅស៊ូនេះ គឺជាផ្នែកមួយ នៃកិច្ចខិតខំប្រឹងប្រែងរបស់អាជ្ញាធរថៃ ក្នុងការធ្វើកំណែទម្រង់វិស័យកសិកម្មក្នុងប្រទេសនេះ។
អត្ថបទទាក់ទង!
ទន្ទឹមនឹងដែរ រាជរដ្ឋាភិបាលថៃ ក៏បានលើកទឹកចិត្តដល់កសិករ ឲ្យដាំដុះមុខដំណាំផ្សេងៗទៀត ក្រៅពីកៅស៊ូ ដែលបានធ្វើឲ្យផ្ទៃដីដាំដុះកៅស៊ូ គិតមកទល់ពេលនេះ បានថយចុះប្រមាណ ៤សែនរ៉ៃហើយ។ សម្រាប់កសិករ ដែលបានដាំដុះដំណាំខុសពីកៅស៊ូ រាជរដ្ឋាភិបាលថៃ ក៏បានផ្ដល់ថវិកា ២ពាន់បាត ឬស្មើនឹងប្រមាណ ៦០ ដុល្លារអាមេរិក សម្រាប់ផ្ទៃដីដាំដុះ ១រ៉ៃ ផងដែរ។
ដ្បិតតែផ្ទៃដីដាំដុះកៅស៊ូ ត្រូវនឹងបានកាត់បន្ថយក្ដី ប៉ុន្ដែ គិតមកទល់ពេលនេះ គេសង្កេតឃើញថា តម្លៃកៅស៊ូនៅមិនទាន់ឃើញកើនឡើងថ្លៃនៅឡើយទេ។
សូមជម្រាបថា ផ្ទៃដីដាំដុះកៅស៊ូក្នុងប្រទេសថៃ នាពេលបច្ចុប្បន្ន ត្រូវបានគេប៉ាន់ប្រមាណថា មានចន្លោះពី ១៨ ទៅ ២០លានរ៉ៃ៕
None
