តើមានកត្តាអ្វីខ្លះជំរុញឱ្យក្រុមហ៊ុនផលិតរថយន្តធំៗពីររបស់ជប៉ុន គ្រោងបិទដំណើរការនៅថៃ?

ក្រុមហ៊ុន Suzuki Motor (Thailand) បានប្រកាសកាលពីខែមុនថា ខ្លួននឹងបិទរោងចក្រទាំងអស់នៅថៃ នៅចុងឆ្នាំ២០២៥ បន្ទាប់ពីបានចុះកិច្ចសន្យាលក់ជាបន្តបន្ទាប់ និងមានការប្រកួតប្រជែងពីរថយន្តអគ្គិសនីរបស់ចិន។ ចំណែកក្រុមហ៊ុន Tan Chong Subaru Automotive (Thailand) ក៏បានប្រកាសដែរថា ខ្លួននឹងបញ្ឈប់ការផលិតយានយន្តនៅថៃ នៅចុងឆ្នាំនេះបន្ទាប់ពីខាតប្រាំឆ្នាំជាប់ៗគ្នា។

ប្រធានក្លឹបគ្រឿងបន្លាស់រថយន្តរបស់សហព័ន្ធឧស្សាហកម្មថៃ លោក ស៊ូប៉ូច ស៊ុកពិសាន (Supoj Sukpisan) បាននិយាយថា ក្រុមហ៊ុន Suzuki បានជួបការលំបាកក្នុងការលក់រថយន្តនៅថៃ នៅប៉ុន្មានឆ្នាំចុងក្រោយនេះ ដោយត្រូវបញ្ចុះតម្លៃជិត៣ពាន់ដុល្លារក្នុង១គ្រឿង ដើម្បីប្រកួតប្រជែងនឹងរថយន្តអគ្គិសនីរបស់ចិន។

លោកបានបន្ថែមថា ផែនការបិទក្រុមហ៊ុនទាំងពីរនេះ ទំនងជាមិនប៉ះពាល់ខ្លាំងដល់សហគ្រិនថៃ ក្នុងឧស្សាហកម្មគ្រឿងបន្លាស់រថយន្តប៉ុន្មាននោះទេ ព្រោះផលិតកម្មរបស់ពួកគេមានកម្រិតទាបនៅប៉ុន្មានឆ្នាំចុងក្រោយនេះ ប៉ុន្តែវានឹងប៉ះពាល់ដល់ទំនុកចិត្តវិនិយោគិននាពេលអនាគតនៅក្នុងទីផ្សាររថយន្តថៃ៕

អត្ថបទ៖ សុខ មង្គល