តាមសេចក្តីរាយការណ៍របស់ទូរទស្សន៍ CNN បានឲ្យដឹងថា ក្រុមហ៊ុនដែលគ្រប់គ្រងប្រតិបត្តិការហាងទំនិញលក់រាយដែលមានបញ្ហានេះ គឺក្រុមហ៊ុន Bed Bath & Beyond គ្រោងបិទចំនួន ៤០០ កន្លែង និង ក្រុមហ៊ុន Foot Locker គ្រោងបិទហាងចំនូន ៤០០ កន្លែងទៀតផងដែរ។
ម្ចាស់ទីតាំង និង អ្នកជំនាញអចលនទ្រព្យបានអះអាងថា ទីតាំងដែលក្រុមហ៊ុនទាំងពីរនេះគ្រោងនឹងបិទ គឺនឹងទំនេរ ពីព្រោះតែពេលនេះស្ថានភាពអាជីវកម្មរបស់ពួកគេកំពុងតែ មានបញ្ហាជាបន្តបន្ទាប់ ហើយប្រសិនបើទីតាំងហាងទំនិញទាំងនោះបិទ វាក៏ជាបញ្ហាសម្រាប់ សហគមន៍ប្រើប្រាស់ ទាក់ទងនឹងចំណាយ ក៏ដូចជាបញ្ហាតម្រូវការ និងបញ្ហាការងារធ្វើជាដើម។ល។
អត្ថបទគួរអាន
ក្រុមហ៊ុន Foot Locker បាននិយាយថា ខ្លួននឹងបិទហាងជិត ២០០កន្លែង នៅក្នុងផ្សារទំនើបកម្រិត C និង D និង ២០០ ហាងទៀតដែលដំណើរការនៅ ផ្សារទំនើបកម្រិត A និង B ។
លោក Jeff Kreshek អនុប្រធាននៃក្រុមហ៊ុន អចលនទ្រព្យ Federal Realty បានអះអាងថា ការសម្រេចចិត្តរបស់ក្រុមហ៊ុនទាំងនេះ វាគឺជាផលប៉ះទង្គិចចុងក្រោយថ្មីមួយដល់ពលរដ្ឋអាមេរិក ។
ក្រុមហ៊ុនលក់រាយនៅអាមេរិក គឺបានបង្កើន និងពង្រីកទីតាំងលក់ដូរនិងចែកចាយផលិតផលរបស់ពួកគេមានសម្ទុះខ្លាំងតាំងពី ពាក់កណ្តាលនៃសតវត្សទី ២០ ដើម្បីផ្គត់ផ្គង់ដល់ចំនួនកើនឡើងនៃជនជាតិអាមេរិក ដែលចាកចេញពីទីក្រុងទៅ ជាយក្រុង ប៉ុន្តែនៅពេលនេះ បញ្ហាកំពុងតែចោទឡើង ជាពិសេសគឺទាក់ទងនឹងប្រាក់ចំណូល ស្របពេលដែលអតិផរណាប្រចាំឆ្នាំកើនឡើង ថ្វីត្បិតតែប្រសើរជាងមុនបន្តិច ពោលគឺ ពី ៦,៤% មកនៅត្រឹម ៦%ក៏ដោយ ប៉ុន្តែ សភាពនៃផលប៉ះពាល់នៅតែមានខ្ពស់៕
