សម្រាប់ភាគីទាំងសងខាងពិតមានសេចក្តីសោមនស្សរីករាយជាខ្លាំងចំពោះភាពជាដៃគូលើហិរញ្ញប្បទាន ផ្ទះ ក្រោមលក្ខខណ្ឌពិសេសបំផុតជូនដល់អតិថិជន ។
គួរបញ្ជាក់ផងដែរថាធនាគារសហពាណិជ្ចគឺជាធនាគាដែលផ្តល់សេវាធនាគារអន្តរជាតិប្រកបដោយគុណភាពខ្ពស់បំផុតតាមរយៈបណ្តាញសាខាដែលកំពុងរីកចម្រើនយ៉ាងឆាប់រហ័សនៅក្នុងព្រះរាជាណាចក្រនិងសេវាធនាគារលើអ៊ិនធើណិត។
ក្រុមហ៊ុន មេគង្គ លែន ឌីវេឡុបម៉ិន ឯ.ក បានបង្ហាញពីគុណសម្បត្តិថាជាក្រុមហ៊ុនអភិវឌ្ឍន៍ដ៏រឹងមាំមួយតាមរយៈការរចនា គុណភាពនៃអចលនទ្រព្យ និងប្រភេទផ្ទះជាច្រើនប្រភេទនៅទីតាំងល្អ ដើម្បីបំពេញតម្រូវការ និងលក្ខខណ្ឌរស់នៅរបស់អតិថិជន ។ ភាពជាដៃគូនេះនឹងនាំមកជូនមកយើងទាំងអស់គ្នានូវអត្ថប្រយោជន៍លក្ខណៈឈ្នះ-ឈ្នះ ទាំង ធនាគារ សហពាណិជ្ជ ក.អ ទាំងក្រុមហ៊ុន មេគង្គ លែន ឌីវេឡុបម៉ិន ឯ.ក និងអតិថិជន ។
ការចាប់ដៃគូសហការមួយនេះ បានផ្ដល់ជូននូវភាពងាយស្រួល កាន់តែខ្លាំងឡើងមួយកម្រិតទៀតជូនទៅដល់អតិថិជនដែលមានចំណាប់អារម្មណ៍ចង់ទិញលំនៅដ្ឋានក្នុងក្តីស្រមៃ ដោយសារតែផ្តល់ជូននូវលក្ខខណ្ឌបង់ប្រាក់ល្អ និងអត្រានៃការបង់ប្រាក់ប្រចាំខែត្រឹមតែជាង ៣០០ដុល្លារអាមេរិកក្នុងមួយខែ តែប៉ុណ្ណោះ ។
សម្រាប់ម៉ូតផ្ទះទាំងអស់របស់បុរី មេគង្គលែន ត្រូវបានរចនាឡើងតាមរចនាបថ អឺរ៉ុប ដើម្បីបំពេញជាមួយនឹងតម្រូវការរស់នៅជាក់ស្តែងរបស់អតិថិជនសម្រាប់បទពិសោធន៍រស់នៅបែបអភិជន ពោរពេញទៅដោយឧត្តមភាព និងភាពស៊ីវីល័យ សម្រាប់ម៉ូតផ្ទះវិញគឺមានច្រើនជម្រើស រួមមាន៖ វីឡាឃីង វីឡាឃ្វីន វីឡាភ្លោះ ផ្ទះប្រកបអាជីវកម្ម និង វីឡាកូនកាត់ ។
សព្វថ្ងៃក្រុមហ៊ុននេះមានគម្រោងធំៗចំនួនពីរនោះគឺ គម្រោង ហ្គោលឌិន អាវិននូ ដែលមានទីតាំងស្ថិតនៅលើផ្លូវ២០១១ ហួសវត្តក្រាំងធ្នង់ជិត១គីឡូម៉ែត្រ និង គម្រោង មេគង្គ ស៊ីធី ស្ថិតលើផ្លូវជាតិ៦អា ហួសស្ពានទី១០ ប្រមាណ ១៥០ម៉ែត្រ ៕
