លោក ហ្សេលេនស្គី បាននិយាយថា គំនិតផ្តួចផ្តើម «គ្រាប់ធញ្ញជាតិពីអ៊ុយក្រែន» នេះបានបង្ហាញពីបំណងរបស់យើងក្នុងការរក្សាសន្តិសុខស្បឿងជាសកល ហើយវាមិនមែន «គ្រាន់តែជាការសន្យាខ្យល់» នោះទេ។
នាពេលកន្លងមក ភាគីរុស្ស៊ីបានលើកឡើងថា ស្បឿងអាហារដែលនាំចេញពីកំពង់ផែសមុទ្រខ្មៅរបស់អ៊ុយក្រែន ក្រោមផែនការដែលសម្របសម្រួលដោយអង្គការសហប្រជាជាតិ មិនទាន់បានទៅដល់ប្រទេសដែលងាយរងគ្រោះបំផុតនោះទេ។
ទោះជាយ៉ាងណាក៏ដោយ លោក Zelenskiy បាននិយាយថា ទីក្រុងកៀវបានរៃអង្គាសប្រាក់ចំនួន១៥០លានដុល្លារពីប្រទេសដៃគូជាង២០ និងសហភាពអឺរ៉ុបដើម្បីនាំចេញគ្រាប់ធញ្ញជាតិទៅកាន់ប្រទេសមួយចំនួនរួមមាន ប្រទេសអេត្យូពី ស៊ូដង់ ស៊ូដង់ខាងត្បូង សូម៉ាលី និងយេម៉ែន។
លោកបន្តថា គំនិតផ្តួចផ្តើមនេះគឺនឹងមានគម្រោងបញ្ជូនកប៉ាលដឹកគ្រាប់ធញ្ញជាតិយ៉ាងហោចណាស់៦០គ្រឿងពីកំពង់ផែអ៊ុយក្រែន ទៅកាន់ប្រទេសដែលភាគច្រើនប្រឈមមុខនឹងការគំរាមកំហែងនៃគ្រោះទុរភិក្ស និងគ្រោះរាំងស្ងួត»។
អត្ថបទគួរអាន
គួរជម្រាបថា កិច្ចប្រជុំកំពូលនេះត្រូវបានចូលរួមដោយផ្ទាល់ពីនាយករដ្ឋមន្ត្រីនៃប្រទេសបែលហ្សិក ប៉ូឡូញ និងលីទុយអានី និងប្រធានាធិបតីហុងគ្រី។ ដោយឡែក ប្រធានាធិបតីអាល្លឺម៉ង់ និងបារាំង និងប្រធានគណៈកម្មការអឺរ៉ុបបានចូលរួមដោយថ្លែងសុន្ទរកថាតាមវីដេអូ។
សេចក្តីថ្លែងការណ៍រួមដែលបានចេញផ្សាយបន្ទាប់ពីកិច្ចប្រជុំកំពូលនេះបានគូសបញ្ជាក់ថា ចាប់តាំងពីការឈ្លានពានរបស់រុស្ស៊ីកាលពីថ្ងៃទី ២៤ខែកុម្ភៈមកលើអ៊ុយក្រែន ពិភពលោកបានទទួលផលិតផលកសិកម្មចំនួន ១០ លានតោនតិចជាងរយៈពេលដូចគ្នាក្នុងឆ្នាំ២០២១ពីប្រទេសកសិកម្មដ៏ធំមួយនេះ ។
នោះវាមានន័យថា៖ «សន្តិសុខស្បៀងរបស់មនុស្សរាប់លាននាក់នៅជុំវិញពិភពលោកត្រូវបានគំរាមកំហែងយ៉ាងធ្ងន់ធ្ងរ» ដោយបង្កឡើងដោយសង្គ្រាមរុស្ស៊ីជាមួយអ៊ុយក្រែន និងចាប់ពីទីក្រុងម៉ស្គូបានបិទច្រកកំពង់ផែសមុទ្រខ្មៅកាលពីដើមខែកន្លងទៅនេះ។
ជាមួយគ្នានេះ នៅក្នុងសុន្ទរកថាជាវីដេអូនៅក្នុងគំនិតផ្តួចផ្តើម «គ្រាប់ធញ្ញជាតិពីអ៊ុយក្រែន» នោះដែរ ប្រធានាធិបតីបារាំង លោក ម៉ាក្រុន (Emmanuel Macron) បានប្រកាសផ្តល់វិភាគទានជាង៦លានដុល្លារសម្រាប់ការដឹកជញ្ជូន និងចែកចាយដោយកម្មវិធីស្បៀងអាហារពិភពលោកនៃគ្រាប់ធញ្ញជាតិអ៊ុយក្រែនទៅកាន់ប្រទេសយេម៉ែន និងស៊ូដង់ផងដែរ៕
