កូរ៉េខាងជើង បញ្ជូនយន្ដហោះទៅដឹកសម្ភារសុខាភិបាលពីចិន ក្រោយផ្ទុះឆ្លងកូវីដ១៩
ព័ត៌មាន
•
បន្ទាប់ពីបាន ច្រានចោលនូវជំនួយវ៉ាក់សាំងពីអង្គការពិភពលោក និងការជួយនានាពីកូរ៉េខាងត្បូង ដើម្បីឆ្លើយតបទប់ទល់នឹងការរាតត្បាតនៃជំងឺកូវីដ១៩ន…
បើតាមប្រភពព័ត៌មានពីសារព័ត៌មានអន្តរជាតិធំៗជាច្រើននៅថ្ងៃនេះ បានឲ្យដឹងថា យុទ្ធជនអ៊ុយក្រែនយ៉ាងតិច ២៥៦ នាក់បានដាក់អាវុធចុះចាញ់ ក្នុងនោះមាន៥១នាក់រងរបួសធ្ងន់ធ្ងរ។នេះបើតាមតួលេខផ្ដល់ឲ្យពីខាងរុស្ស៊ី។ ប៉ុន្តែតួលេខពីខាងអ៊ុយក្រែនវិញ បានបញ្ជាក់ថា មានទាហានទាំងអស់ ២៦៤នាក់រួមទាំងអ្នករងរបួស ៥៣នាក់ផងដែរ។
រថយន្តក្រុងជាច្រើនត្រូវបានគេប្រទះឃើញបើកចាកចេញពី តំបន់រោងចក្រស្លរដែកកាលពីល្ងាចថ្ងៃចន្ទដើមសប្តាហ៍នេះ នាំយកកងទ័ពអ៊ុយក្រែនទាំងជាង២៥០នាក់ចាកចេញទៅ អមដោយរថពាសដែករបស់រុស្ស៊ី។ សេចក្តីរាយការណ៍ចុងក្រោយឲ្យដឹងថា រថយន្តក្រុងចំនួន៥គ្រឿង បានមកដល់ទីក្រុងដែលគ្រប់គ្រងដោយរុស្ស៊ីឈ្មោះ ណូវូហ្សូវ (Novoazovsk) ជាកន្លែងដែលទីរដ្ឋាភិបាលក្រុងម៉ូស្គូបានអះអាងថា នឹងយកទាហានដែលរបួសមកព្យាបាល។
ប្រភពក្នុងតំបន់មួយរូបប្រាប់អ្នកយកព័ត៌មានរបស់ Reuters ថា រថយន្តក្រុងចំនួនប្រាំពីរគ្រឿងទៀតដែលដឹកយុទ្ធជនអ៊ុយក្រែនពីតំបន់ Azov បានមកដល់មន្ទីរឃុំឃាំងមួយកន្លែងដែលគេទើបនឹងបើកឡើងវិញ នៅក្នុងទីក្រុងអូឡេនីវកា(Olenivka) ដែលគ្រប់គ្រងដោយរុស្ស៊ី ក្បែរទីក្រុង ដូណេស(Donetsk)។
ជោគវាសនារបស់ទ័ពអ៊ុយក្រែនក្នុងដៃរុស្ស៊ីស្ថិតក្នុងភាពមិនច្បាស់លាស់
ក្រោយការសុំចុះចាញ់របស់កងទ័ពអ៊ុយក្រែន វិមានក្រឹមឡាំងបានអះអាងថាលោក ពូទីននឹងធានាថា ឈ្លើយសឹកទាំងអស់នឹងត្រូវបានគេចាត់ចែងទៅតាមនិតិវិធីស្តង់ដារជាអន្តរជាតិ ហើយមន្ត្រីអ៊ុយក្រែនឯណោះវិញបាននិយាយថា ពួកគេអាចត្រូវបានផ្លាស់ប្តូរគ្នាជាមួយឈ្លើយសឹករុស្ស៊ី ដែលទីក្រុងកៀវចាប់ខ្លួនកន្លងមក។
ទីភ្នាក់ងារសារព័ត៌មាន TASS របស់រុស្ស៊ីបានរាយការណ៍ថា រុស្ស៊ីគ្រោងនឹងសួរចម្លើយទាហានទាំងអស់ ដែលសុំចុះចាញ់ ហើយដែលភាគច្រើន ពួកគេជាសមាជិកនៃកងវរសេនាតូច Azov។ កងវរសេនាតូច Azov នៃជាគោលដៅរបស់ទីក្រុងម៉ូស្គូខ្លាំងណាស់ ដោយហេតុថាម៉ូស្គូចោទប្រកាន់ក្រុងកៀវថាបានប្រើ កងនេះឲ្យប្រព្រឹត្តឧក្រិដ្ឋកម្មសង្គ្រាមមកលើរុស្ស៊ី។
គួរជម្រាបថា ការទម្លាក់អាវុធរបស់កងទ័ពចុងក្រោយក្នុងតំបន់ Azov នៃក្រុងម៉ារីយ៉ូប៉ូល ជាការបើកផ្លូវយ៉ាងពេញលេញដល់ទីក្រុងម៉ូស្គូ ក្នុងការគ្រប់គ្រងទាំងស្រុងនូវតំបន់ឆ្នេរសមុទ្រ Azov និងការលាតសន្ធឹងទៅភាគខាងកើត និងខាងត្បូងអ៊ុយក្រែន ទោះបីជាកងទ័ពរបស់ខ្លួនបានដកថយពីជាយក្រុង Kharkov នៅភាគឦសានហើយក៏ដោយ។
គួរកត់សម្គាល់ថា កិច្ចចរចាសន្តិភាពរវាងភាគីជម្លោះទាំងពីរ គឺរុស្ស៊ី និងអ៊ុយក្រែន ហាក់បង្ហាញភាពនៅទ្រឹង ពិសេសនៅមួយរយៈចុងក្រោយនេះ។ មន្ត្រីមកពីភាគីទាំងពីរបាននិយាយកាលពីថ្ងៃអង្គារទី១៧ឧសភាថា កិច្ចចរចាសន្តិភាពដែលមានបំណងបញ្ចប់សង្គ្រាមបាននៅទ្រឹង នៅទ្រឹងព្រោះការចរចាផ្ទាល់ចុងក្រោយ បានធ្វើឡើងតាំងពីចុងខែមីនា ខណៈការពិភាក្សាគ្នាតាមអនឡាញ មានតិចតួចបំផុតដែលបានធ្វើឡើង ក្នុងរយៈពេលប៉ុន្មានសប្តាហ៍ចុងក្រោយ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
