អាជ្ញាធរសិង្ហបុរីព្រមានពលរដ្ឋឱ្យប្រុងប្រយ័ត្នចំពោះល្បិចឆបោកតាមអ៊ីនធឺណិតថ្មី
ទីភ្នាក់ងារគយរបស់សិង្ហបុរី កាលពីថ្ងៃទី៣ ខែធ្នូ បានក្រើនរំលឹកដល់សាធារណជនឱ្យប្រុងប្រយ័ត្នចំពោះល្បិចឆបោកតាមព័ន្ធអនឡាញថ្មី ដែលបាននិងកំពុងកើត…
អគ្គលេខាធិការសហប្រជាជាតិ លោក អង់តូញ៉ូ ហ្គូធើរ៉េស បានប្រាប់គណៈកម្មាធិការថវិកានៅមហាសន្និបាតអង្គការសហប្រជាជាតិ ដែលមានសមាជិកចំនួន១៩៣ប្រទេសកាលពីថ្ងៃទី១ ខែធ្នូ ថា លោកកំពុងស្វែងរកមធ្យោបាយ ដើម្បីកាត់បន្ថយការចំណាយ ក្រោយស្ថាប័នពិភពលោកដ៏ចំណាស់មួយនេះបានជួបវិបត្តិសាច់ប្រាក់នៅឆ្នាំ២០២៥ ដោយសារអាម៉េរិក កាត់បន្ថយការផ្តល់ជំនួយ។ បើតាមការអះអាងរបស់ មេ UN រូបនេះ អង្គការសហប្រជាជាតិ បានបញ្ចប់ឆ្នាំ២០២៤ ជាមួយបំណុលចំនួន៧៦០លានដុល្លារ ដោយក្នុងនោះបំណុលចំនួន៧០៩លានដុល្លារនៅមិនទាន់សងគេនៅឡើយទេ ហើយពួកគេក៏មិនទាន់បានទទួលជំនួយផ្លូវការចំនួន៨៧៧លានដុល្លារសម្រាប់ឆ្នាំ២០២៥ នៅឡើយដែរ ជាហេតុធ្វើឱ្យបំណុលបច្ចុប្បន្នឡើងដល់១,៥៨៦លានដុល្លារ។
ដូច្នេះហើយពេលនេះ លោក បានស្នើសុំកាត់បន្ថយថវិកាសម្រាប់ឆ្នាំ២០២៦ មកនៅត្រឹម៣,២៣៨លានដុល្លារមានការថយចុះប្រមាណ៥៧៧លានដុល្លារ ឬជាង១៥% បើធៀបនឹងថវិកាឆ្នាំ២០២៥។ ថវិកាទាំងនេះរួមបញ្ចូលទាំងកិច្ចការនយោបាយ មនុស្សធម៌ ការដកហូតអាវុធ សេដ្ឋកិច្ច សង្គម និងទំនាក់ទំនងផងដែរ។
ទន្ទឹមនឹងនេះ អគ្គលេខាធិការរូបនេះ ក៏បានស្នើសុំកាត់បន្ថយបុគ្គលិកមកនៅត្រឹម១១,៥៩៤នាក់ ដោយបានថយចុះចំនួន២,៦៨១នាក់ ឬជិត១៩% បើធៀបនឹងចំនួនបុគ្គលិក ដែលបានអនុម័តកាលពីឆ្នាំ២០២៥។
គួរបញ្ជាក់ថា សហរដ្ឋអាម៉េរិក ជាប្រភពថវិកាស្នូលរបស់អង្គការសហប្រជាជាតិ តែយ៉ាងណាលោក ដូណាល់ ត្រាំ ចង់កាត់បន្ថយការផ្តល់ជំនួយ ក្រោយមើលឃើញថា អង្គការនេះបានបរាជ័យក្នុងការដោះស្រាយបញ្ហាធំៗមួយចំនួន៕
ដោយ៖ សុខ មង្គល
