រដ្ឋសភាអាមេរិកនឹងបោះឆ្នោតសម្រេចលើកញ្ចប់ថវិកាជំរុញសេដ្ឋកិច្ច១,៩ទ្រីលានដុល្លារនៅសប្ដាហ៍នេះ

លោក Steny Hoyer សមាជិកសភាជើងចាស់របស់អាមេរិក បានបញ្ជាក់នៅក្នុងភ្នាក់ងារព័ត៌មាន Reuters ថា ពលរដ្ឋមេរិក មានការគាំទ្រយ៉ាងពេញទំហឹង លើកញ្ចប់ថវិកាចំណាយនេះ។ គណៈកម្មាធិការថវិកានៃរដ្ឋសភាអាមេរិកកាលពីថ្ងៃទី ២២កុម្ភៈ បានអនុម័តលើផែនការកញ្ចប់ថវិកានេះ ហើយកញ្ចប់ថវិកានេះ នឹងជួយសង្គ្រោះសេដ្ឋកិច្ចអាមេរិកចេញពីផលប៉ះពាល់ដោយសារតែមេរោគកូវីដ-១៩ ដែលវាគឺជាកិច្ចការអាទិភាពមួយរបស់ប្រធានាធិបតីថ្មីរបស់អាមេរិក លោក ចូ បៃឌិន។

សហរដ្ឋអាមេរិក នៅក្នុងសប្ដាហ៍នេះ មានអ្នកស្លាប់បាត់បង់ជីវិតដោយសារកូវីដ-១៩ កើនដល់កន្លះលាននាក់ហើយ ខណៈដែលការងាររាប់លានការងារត្រូវបានប៉ះពាល់ដោយសារតែវិបត្តិមេរោគឆ្លងនេះ៕