លោក ត្រាំ បានប្រកាសដាក់ពន្ធ២៥% លើការនាំចូលទំនិញភាគច្រើនមកពីប្រទេសកាណាដា និងម៉ិកស៊ិក កាលពីថ្ងៃអង្គារ សប្ដាហ៍នេះ ហើយក៏បានលើកឡើងអំពីការពន្យារពេលអនុវត្តពន្ធនេះសម្រាប់តែម៉ិកស៊ិកប៉ុណ្ណោះ កាលពីថ្ងៃព្រហស្បតិ៍ ប៉ុន្តែក្រោយមកលោកក៏បានសម្រេចចិត្តពន្យារពេលការអនុវត្តការយកពន្ធសម្រាប់កាណាដាផងដែរ រហូតដល់ថ្ងៃទី២ ខែមេសា នៅក្រោមកិច្ចព្រមព្រៀងដៃគូពាណិជ្ជកម្មត្រីភាគីជាធរមាន គឺអាម៉េរិក កាណាដា និងម៉ិកស៊ិក។
ជាការឆ្លើយតបនឹងការពន្យារពេលនេះ រដ្ឋមន្ត្រីក្រសួងហិរញ្ញវត្ថុកាណាដា លោក ដូមីនិក ឡឺ ប្លង់ (Dominic LeBlanc) បាននិយាយតាមប្រព័ន្ធ X ថា ប្រទេសកាណាដា ក៏នឹងពន្យារពេលការយកពន្ធសងសឹកទៅលើផលិតផលរបស់អាម៉េរិក ក្នុងទឹកប្រាក់ជាង៨៧ពាន់លានដុល្លារ រហូតដល់ថ្ងៃទី២ ខែមេសា ដូចគ្នាផងដែរ។
សម្រាប់កាណាដា ការពន្យារពេលការយកពន្ធរបស់សេតវិមាននេះ មិនរាប់បញ្ចូលពន្ធលើសារធាតុប៉ូតាស្យូម ដែលជាជីដ៏សំខាន់សម្រាប់កសិករអាម៉េរិក នោះឡើយ ប៉ុន្តែក៏មិនគ្របដណ្តប់ទាំងស្រុងលើផលិតផលថាមពលដែលលោក ត្រាំ បានដាក់ពន្ធ១០% ដាច់ឡែកពីគ្នានោះដែរ ដោយសារគ្រប់ផលិតផលថាមពលទាំងអស់ ដែលនាំចូលពីកាណាដា មិនមែនសុទ្ធតែស្ថិតនៅក្រោមកិច្ចព្រមព្រៀងត្រីភាគីនេះនោះទេ។
សូមរំលឹកថា នេះគឺជាលើកទីពីរហើយដែលលោក ត្រាំ បានពន្យារពេលក្នុងការអនុវត្តកាតព្វកិច្ចពន្ធលើទំនិញនាំចូលពីប្រទេសទាំងពីរនេះ បន្ទាប់ពីលោកបានពន្យារពេលលើកទីមួយចាប់ពីដើមខែកុម្ភៈ រហូតដល់ថ្ងៃទី៤ ខែមីនា បន្ទាប់ពីលោកបានចេញបទបញ្ជាប្រតិបត្តិអំពី ដើមខែកុម្ភៈ រហូតដល់ថ្ងៃទី៤ ខែមីនា បន្ទាប់ពីលោកបានចេញបទបញ្ជាប្រតិបត្តិអំពីការ
ដំឡើងពន្ធនេះភ្លាមៗនៅពេលលោកបានឡើងកាន់តំណែងកាលពីថ្ងៃទី២០ ខែមករា៕
