ការធ្វើបែបនេះ ដោយសារតែអាមេរិក បារម្ភពីហានិភ័យឆ្លងរាតត្បាតជំងឺកូវីដ-១៩តាមរយៈការធ្វើដំណើរ។ នេះបើតាមការចុះផ្សាយដោយទីភ្នាក់ងារសារព័ត៌មាន Reuters។
កន្លងមកក្រសួងការបរទេសអាមេរិកធ្លាប់បានដាក់ប្រទេសចំនួន ៣៤ប្រទេសរួចមកហើយ ចូលក្នុងបញ្ជីហាមឃាត់ការធ្វើដំណើរនេះ ដោយក្នុងនោះ រួមមានប្រទេសមួយចំនួននៅតំបន់អាហ្វ្រិក និង អាមេរិកឡាទីន ដូចជា ប្រេស៊ីល និង អាហ្សង់ទីនជាដើម ដែលសុទ្ធសឹងជាប្រទេសដែលមានការរីករាលដាលកូវីដ-១៩ ខ្លាំង។
អាមេរិកបញ្ជាក់ថា ការដាក់បញ្ជូលប្រទេសបន្ថែមទៀតចូលក្នុងបញ្ជីហាមឃាត់ការធ្វើដំណើរនេះ ត្រូវធ្វើឡើងតាមរយៈ ការវាយតម្លៃស្ថានភាពជំងឺកូវីដ-១៩ ដោយមជ្ឈមណ្ឌលគ្រប់គ្រងនិងការពារជំងឺឆ្លងអាមេរិក (CDC) ទៅតាមប្រទេសនីមួយៗ ចំណែកឯប្រទេសខ្លះទៀត នឹងមិនមានការវាយតម្លៃស្ថានភាពជំងឺម្តងទៀតនោះទេ ដោយអាមេរិកនឹងផ្អែកទៅលើអ្វីដែលខ្លួនធ្លាប់បានវាយតម្លៃពីមុនមក។
អត្ថបទគួរអាន
កន្លងមកជនជាតិអាមេរិកភាគច្រើនត្រូវបានគេរារាំងការធ្វើដំណើរទៅកាន់ប្រទេសជាច្រើននៅទ្វីបអឺរ៉ុបរួចមកហើយ ដោយសារតែការរឹតត្បិតការចេញចូលក្រោយអាមេរិកមានអ្នកឆ្លងកូវីដ-១៩ច្រើនលើសលប់។ ជាការឆ្លើយតប អាមេរិកបានបិទខ្ទប់ពលរដ្ឋ ដែលមិនមែនជាជនជាតិអាមេរិក មិនឲ្យចូលមកកាន់ទឹកដីរបស់ខ្លួនវិញទេ ពិសេសអ្នកធ្វើដំណើរពីអឺរ៉ុប ប្រទេស តំបន់អាហ្វ្រិក និង អាមេរិកឡាទីនជាដើម។
សូមបញ្ជាក់ថា អាមេរិកមិនទាន់គាំទ្រឲ្យមានការប្រើប្រាស់លិខិតឆ្លងដែនវ៉ាក់សាំង សម្រាប់ធ្វើដំណើរឆ្លងប្រទេសនោះទេ ប៉ុន្តែពួកគេគាំទ្រឲ្យពលរដ្ឋខ្លួនដែលបានចាក់វ៉ាក់សាំងកូវីដ-១៩រួច អាចធ្វើដំណើរបានដោយមានសុវត្ថិភាព ក្នុងការហោះហើរក្នុងប្រទេស៕
ទស្សនាវីដេអូ៖
ចុច Like Facebook Page របស់ខេមបូណូមីស និងចូលរួមក្នុង Telegram ដើម្បីទទួលបានព័ត៌មានថ្មីៗលឿនរហ័សមុនគេ: https://t.me/cambonomist
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
