មែនទែនទៅ តម្រូវការវ៉ាក់សាំង ៣ពាន់៦រយលានដូស ដែលត្រូវបានដឹកជញ្ជូនទូទាំងពិភពលោកកំពុងធ្លាក់ចុះ ដោយសារមនុស្សភាគច្រើននៅលោកខាងលិចបានទទួលការចាក់វ៉ាក់សាំង ៣ ទៅ ៤ លើករួចមកហើយ។ ទោះយ៉ាងណា យុទ្ធនាក្នុងការចាក់វ៉ាក់សាំងការពារមេរោគកូវីតបំប្លែងថ្មីអូមីក្រុងត្រូវបានគេរំពឹងថា នឹងមានតម្រូវការកើនឡើងនៅក្នុងពេលខាងមុខ។ ក្រុមហ៊ុន BioNTech បាននិយាយថា ខ្លួនកំពុងរង់ចាំការយល់ព្រមលើបទប្បញ្ញត្តិសម្រាប់វ៉ាក់សាំងទាំងពីរប្រភេទរបស់ខ្លួននៅក្នុងយុទ្ធនាការនេះ។
អត្ថបទគួរអាន
ក្រុមហ៊ុន BioNTech និង ក្រុមហ៊ុន Pfizer បានផលិតវ៉ាក់សាំងមួយប្រភេទក្នុងចំណោមវ៉ាក់សាំងការពារមេរោគកូវីដ ១៩ ដោយបានផលិតសម្រាប់គោលដៅការពារមេរោគកូវីដ១៩ អូមីក្រុងប្រភេទ BA.1 ខណៈកាលពីខែមុនក្រុមហ៊ុននេះបានដាក់សំណើរទៅកាន់និយតករថ្នាំឱសថសហភាពអឺរ៉ុប EMA ដើម្បីទទួលបានការយល់ព្រមលើការចែកចាយ និង ដឹកជញ្ជូន។ ស្របពេលជាមួយគ្នានោះ ការកំណត់គោលដៅផលិតវ៉ាក់សាំងការពារប្រភេទមេរោគអូមីក្រុង BA.4 និង BA.5 តាមការណែនាំដោយនិយតករឱសថរបស់សហរដ្ឋអាមេរិក នឹងចាប់ផ្តើមការផលិតល្បងនៅខែនេះ ដោយគេរំពឹងថា នឹងមានការចែកចាយចាប់ពីដើមខែតុលាផងដែរ។
គួរកត់សម្គាល់ថា ក្រុមហ៊ុនផលិតវ៉ាក់ស៊ាំង BioNTech ទទួលបានប្រាក់ចំណូលនៅត្រីមាសទី២ និង ប្រាក់ចំណេញសុទ្ធធ្លាក់ចុះប្រហែល ៤០% បើធៀបកាលពីឆ្នាំមុន ដោយក្នុងនោះប្រាក់ចំណូលមានក្នុងទំហំទឹកប្រាក់ប្រមាណជាង ពាន់លានដុល្លារ ខណៈប្រាក់ចំណេញវិញមានជាង១ពាន់៧រលានដុល្លារ។
ក្រុមហ៊ុននេះបានអះអាងអំពីប្រាក់ចំណូលសម្រាប់វ៉ាក់សាំងឆ្នាំ ២០២២ រំពឹងអាចទទួលបានជាង ១៣ ពាន់លានដុល្លារ ទៅជាង ១៧ ពាន់លានដុល្លារ ធ្លាក់ចុះពី ជាង១៩ ពាន់លានដុល្លារ បើធៀបកាលពីឆ្នាំមុន។ ទោះយ៉ាងណា ក្រុមហ៊ុនដៃគូ Pfizer នៅចុងខែមុនបានព្យាករណ៍ថានឹងទទួលបានប្រាក់ចំណូល ៣២ ពាន់លានដុល្លារពីការលក់វ៉ាក់សាំងកូវីដ១៩ នៅពេញមួយឆ្នាំ ២០២២។
លោក Jens Holstein ប្រធានផ្នែកហិរញ្ញវត្ថុនៃក្រុមហ៊ុន BioNTech បាននិយាយថា ជាមួយនឹងការអនុវត្តដ៏រឹងមាំរបស់ក្រុមហ៊ុនពីមួយឆ្នាំទៅមួយឆ្នាំ លោកជឿជាក់ថា នឹងដំណើរការបានល្អក្នុងការសម្រេចបាននូវការទាញយកប្រាក់ចំណូលខ្ពស់ត្រឡប់មកវិញ។
គួរជម្រាបថា ក្រុមហ៊ុន BioNTech បានទទួលស្គាល់នូវភាពមិនច្បាស់លាស់មួយចំនួនអំពីកង្វះខាតឧស្ម័នធម្មជាតិធ្ងន់ធ្ងរ ដែលខ្លួនប្រើប្រាស់សម្រាប់ប្រតិបត្តិការផលិតវ៉ាក់សាំងការពារកូវីដ ១៩ ផងដែរ។
