អាមេរិកនឹងពិនិត្យមើលលើការចាត់វិធានការបន្ថែមទាក់ទងនឹងវិបត្តិនៅប្រទេសភូមា
រដ្ឋមន្ត្រីការបរទេសអាមេរិក លោក អានតូនី ប្លីងខេន បាននិយាយនៅថ្ងៃពុធសប្ដាហ៍នេះថា សហរដ្ឋអាមេរិកកំពុងមើលទៅលើជំហានបន្ដទៀត ដើម្បីប្រឆាំងនឹងរប…
នាយកប្រតិបត្តិរបស់ក្រុមហ៊ុន Vietnam Airlines បានបញ្ជាក់ថា ផែនការលក់យន្តហោះនេះ គឺក្រោមហេតុផលថា ជាគោលបំណងរបស់ក្រុមហ៊ុនក្នុងការកាត់បន្ថយចំនួនយន្តហោះដែលវៀតណាមមាននាពេលបច្ចុប្បន្ន និងជំរុញការធ្វើទំនើបកម្មយន្តហោះរបស់ខ្លួន ដោយជំនួសយន្តហោះដែលមានអាយុកាលលើសពី ១២ ឆ្នាំឡើងទៅ។ ថ្នាក់ដឹកនាំក្រុមហ៊ុនអាកាសចរណ៍វៀតណាមរូបនេះ បានព្យាករថា បើទោះបីជា មានការលក់យន្តហោះជាបន្តបន្ទាប់ក៏ដោយ តែក្រុមហ៊ុន Vietnam Airlines នឹងនៅតែចំនួនយន្តហោះច្រើនលើសលប់ដដែលនៅឆ្នាំ ២០២៥ ។
សូមជម្រាបថា ឧស្សាហកម្មអាកាសចរណ៍ស៊ីវិលវៀតណាមបានរងផលប៉ះពាល់យ៉ាងខ្លាំងដោយជំងឺរាតត្បាតកូវីដ១៩។ មួយក្នុងចំណោមក្រុមហ៊ុនអាកាសចរណ៍ឯទៀត ក្រុមហ៊ុន Vietnam Airlines បានផ្លាស់ប្ដូរពីការដឹកអ្នកដំណើរ ទៅជាការដឹកទំនិញ ដោយបានដកកៅអីចេញពីយន្តហោះដឹកអ្នកដំណើរទៅជាយន្តហោះដឹកទំនិញវិញ ដើម្បីបន្តដង្ហើមអាជីវកម្មរបស់ខ្លួន។
ក្រុមហ៊ុនអាកាសចរណ៍វៀតណាមមួយនេះ ក៏បានកត់ត្រាពីការខាតបង់សុទ្ធជាង ១៥៤ លានដុល្លារ នៅក្នុងត្រីមាសទី ៣ តែយ៉ាងណាវានៅមានការថយចុះ បើប្រៀបធៀបទៅនឹងត្រីមាសទី១ និងទី២។ ទន្ទឹមនេះ បើគិតត្រឹមខែកញ្ញា ទ្រព្យសកម្មសរុបរបស់ក្រុមហ៊ុនអាកាសចរណ៍ Vietnam Airlines មានតម្លៃជិត ៣ ពាន់លានដុល្លារ ដែលកើនឡើងជាង ១៩៥ លានដុល្លារ ធៀបនឹងកាលពីដើមឆ្នាំនេះ។
យ៉ាងណាមិញ នាយកប្រតិបត្តិរបស់ក្រុមហ៊ុន Vietnam Airlines បានព្យាករណ៍ថា ទីផ្សារអាកាសចរណ៍ក្នុងស្រុករបស់វៀតណាមនៅឆ្នាំ ២០២២ ខាងមុខនេះនឹងមានតែពី ៧០ ទៅ ៧៥ ភាគរយ នៃទីផ្សារអាកាសចរណ៍ក្នុងឆ្នាំ ២០១៩ ប៉ុណ្ណោះ ហើយទីផ្សារនេះ នឹងអាចងើបឡើងពេញលេញឡើងវិញបាន គឺត្រូវរង់ចាំដល់ឆ្នាំ ២០២៣ខាងមុខ៕
អត្ថបទ ស៊ើង និមល់
None
