ជប៉ុនគ្រោងនឹងអនុម័តឱ្យលក់ថ្នាំគ្រាប់ព្យាបាលកូវីដ១៩ របស់ក្រុមហ៊ុន Merck នៅខែធ្នូនេះ
ក្រោយពីថ្នាំគ្រាប់ព្យាបាលកូវីដ ១៩ ផលិតបានជោគជ័យពីក្រុមហ៊ុន Merck ពេលនេះប្រទេស ជប៉ុនកំពុងធ្វើការយ៉ាងសកម្ម ដើម្បីនាំចូលថ្នាំគ្រាប់នេះប្រើ…
នៅរយៈពេល១១ខែដំបូងឆ្នាំ២០២១ ក្រុមហ៊ុននាំចេញដែកដ៏ធំមួយរបស់វៀតណាម Hoa Phat បាននាំចេញដែកថែបដល់ទៅជាង៩០ម៉ឺនតោន ដែលជាប្រភេទដែកសម្រាប់ការងារសំណង់ ដោយបរិមាណនាំចេញនេះ មានកំណើនដល់ទៅ ៩០% ឯណោះ ធៀបនឹងរយៈពេលដូចគ្នាកាលពីឆ្នាំមុន។ ក្រុមហ៊ុនមួយនេះ ក៏មានផែនការនាំចេញដែកឲ្យបាន១លានតោននៅពេញមួយឆ្នាំ២០២១នេះ ដែលជាបរិមាណកើនឡើងទ្វេដងធៀបនឹងឆ្នាំមុន។
ជាមួយគ្នានេះដែរ សមាគមដែករបស់វៀតណាម រំពឹងថា ការនាំចេញនឹងនៅតែបន្ដកំណើនរឹងមាំនៅខែធ្នូ ដែលជាខែចុងក្រោយនៃឆ្នាំ២០២១នេះ ដោយសារតែតម្រូវការសកលកើនឡើងខ្ពស់ និងនៅប្រទេសចិនជាបណ្ដោះអាសន្នកំពុងមានបញ្ហាកង្វះខាតដែកផងដែរ។
ក្រុមហ៊ុនមូលបត្រ Vietcombank បានពន្យល់ថា ប្រទេសចិននៅមួយរយៈកន្លងមកនេះ បានកាត់បន្ថយការនាំចេញដែករបស់ខ្លួនជាបន្ដបន្ទាប់ ហើយកត្តានេះ គឺជាឱកាសមួយសម្រាប់ការនាំចេញដែករបស់វៀតណាម ក្នុងការចូលទៅបំពេញតម្រូវការទីផ្សារសកល។
សមាគមដែក បានគូសបញ្ជាក់ទៀតថា វៀតណាម មានសមត្ថភាពផលិតកម្មប្រហែល ២៤លានតោន ក្នុងមួយឆ្នាំ ហើយទិន្នផលនៅឆ្នាំនេះរំពឹងថា នឹងកើនដល់ ជាង២១លានតោន ដែលវាគ្រប់គ្រាន់សម្រាប់តម្រូវការក្នុងស្រុក និងការនាំចេញផងដែរ។
សូមបញ្ជាក់ថា បើតាមទិន្នន័យពីការិយាល័យស្ថិតទូទៅរបស់វៀតណាមបង្ហាញថា នៅ១១ខែឆ្នាំ២០២១នេះ សន្ទស្សន៍ផលិតកម្មឧស្សាហកម្មរបស់វៀតណាម បានកើនឡើង៣,៦% ធៀបនឹងរយៈពេលដូចគ្នាកាលពីឆ្នាំមុន៕
None
