តាមរបាយការណ៍ពីក្រសួងផែនការ និងវិនិយោគវៀតណាម បានឲ្យដឹងទៀតថា ក្នុងចំណោមគម្រោងដែលមានការវិនិយោគផ្ទាល់ពីបរទេសនេះ ការវិនិយោគលើគម្រោងថ្មីៗមានដល់ទៅជាង ៦០០គម្រោង ដែលមានទុនវិនិយោគជិត៩ពាន់លានដុល្លារអាមេរិក។
ការវិនិយោគផ្ទាល់ពីក្រៅប្រទេសនៅវៀតណាម គឺមាននៅក្នុង១៨វិស័យសំខាន់ៗ ក្នុងនោះ ការវិនិយោគភាគច្រើនផ្ដោតលើវិស័យផលិត និងកែច្នៃមានតម្លៃទុនវិនិយោគ ៦ពាន់លានដុល្លារ និងវិស័យថាមពលមានជាង៥ពាន់លានដុល្លារ។
តើប្រទេសណាខ្លះអ្នកវិនិយោគគ្រាក់ៗនៅប្រទេសវៀតណាម?
មែនទែនទៅ ការវិនិយោគនៅវៀតណាមគឺមានចម្រុះជាតិសាសន៍
មិនខុសពីកម្ពុជាយើងនោះទេ ប៉ុន្ដែ ក្នុងនោះ គេមើលឃើញថា
សិង្ហបុរីគឺឈរក្នុងលំដាប់ទី១ ដែលទំហំវិនិយោគច្រើនជាង ពោលមាន៣៧%នៃទំហំវិនិយោគផ្ទាល់ពីបរទេសសរុប
និងតាមពីក្រោយដោយប្រទេសជប៉ុន កូរ៉េខាងត្បូង ចិន ហុងកុង និងតៃវ៉ាន់។
អត្ថបទទាក់ទង!
នៅក្នុងវិស័យវិនិយោគផ្ទាល់ពីបរទេសនេះ ត្រូវបានរដ្ឋមន្ត្រីក្រសួងផែនការ និងវិនិយោគវៀតណាមបញ្ជាក់ថា មានអតិរេកពាណិជ្ជកម្មជាង១៤ពាន់លានដុល្លារ នៅរយៈពេល៥ខែដំបូងនៅឆ្នាំនេះ ក្នុងនោះ ការនាំចេញសំខាន់ៗរួមមាន ប្រេងឆៅ ដែលមានតម្លៃ ៩៨ពាន់លានដុល្លារអាមេរិក មានដល់ទៅទំហំ៧៥% នៃចំណូលនាំចេញសរុប។
យ៉ាងណាក៏ដោយចុះ នៅឆ្នាំ២០២០កន្លងទៅ វៀតណាមសម្រេចបានការវិនិយោគផ្ទាល់ពីក្រៅប្រទេសសរុបជាង២៨ពាន់លានដុល្លារ មានការធ្លាក់ចុះ២៥% នៅចំពេលដែលមានការផ្ទុះរាលដាលកូវីដ-១៩ ហើយរដ្ឋាភិបាលបានដាក់វិធានការហាមឃាត់ការធ្វើដំណើរ ដែលវាបានធ្វើឲ្យប៉ះពាល់ដល់សតិអារម្មណ៍របស់អ្នកវិនិយោគចំពោះប្រទេសវៀតណាម៕
None
