ក្រុមហ៊ុនយក្សអាមេរិក Micron ត្រៀម១៥០ពាន់លានដុល្លារ វិនិយោគការផលិតបន្ទះឈីបនៅ១០ឆ្នាំខាងមុខ
ក្រុមហ៊ុនផលិតបន្ទះឈីបលំដាប់កំពូលមួយ របស់សហរដ្ឋអាមេរិកបានអះអាងថា ខ្លួននឹងវិនិយោគទឹកប្រាក់ចំនួន ១៥០ពាន់លានដុល្លារក្នុងការផលិត ស្រាវជ្រា…
នៅក្នុងចំណោមគម្រោងផ្លូវដែកទាំង ៩ខ្សែនោះ ផ្លូវដែកដែលវែងជាងគេបំផុតរបស់វៀតណាម នឹងចេញដំណើរពីទីក្រុងហាណូយទៅទីក្រុងហូជីមិញដែលមានប្រវែងជាង ១ ពាន់ ៥រយ គីឡូម៉ែត្រ។ នេះបើយោងតាមផែនការដែលរដ្ឋាភិបាលបានអនុម័តសម្រាប់ឆ្នាំ ២០២១-២០៣០។
ខ្សែរថភ្លើងរបស់វៀតណាមទាំង៩ខ្សែនេះ គឺមានការតភ្ជាប់ទៅស្ទើរតែគ្រប់តំបន់ នៃផ្ទៃប្រទេសវៀតណាម ពោលគឺមាន៣ខ្សែតភ្ជាប់ពីរដ្ឋធានីហាណូយទៅតំបន់ភាគខាងជើង។ និង មាន១ខ្សែ តភ្ជាប់ទៅកាន់ភាគខាងកើត។ ដោយឡែក សម្រាប់តំបន់ភាគកណ្ដាលនៃប្រទេសវិញក៏មានតភ្ជាប់ខ្សែរថភ្លើងចំនួនមួយខ្សែ ខណៈដែលតំបន់ភាគខាងត្បូងវិញ គឺមានការតភ្ជាប់ខ្សែរថភ្លើងច្រើនជាងគេ គឺមានដល់ទៅ ៤ខ្សែ។ បន្ថែមពីនេះ វៀតណាមក៏មានខ្សែរថភ្លើងចំនួន២ តភ្ជាប់ពីទីក្រុងហូជីមិញ ជាមួយទីក្រុងខានធូ និង បន្ដមកដល់ព្រំដែនជាមួយនឹងប្រទេសកម្ពុជាផងដែរ។
វិស័យផ្លូវដែករបស់វៀតណាម មានគោលដៅដឹកជញ្ជូនទំនិញចំនួនជិត ១២ លានតោនក្នុងមួយឆ្នាំនៅត្រឹមឆ្នាំ ២០៣០ ឬស្មើ ០,២៧ ភាគរយនៃការដឹកជញ្ជូនទំនិញសរុប។ លើសពីនេះ វានឹងអាចមានសមត្ថភាពដឹកអ្នកដំណើរបានប្រមាណ ៤៦០ លាននាក់ក្នុងមួយឆ្នាំ។
យ៉ាងណាមិញ នៅឆ្នាំ ២០៥០ ប្រទេសវៀតណាម ក៏មានមហិច្ឆតានឹងបង្កើតឲ្យមានផ្លូវដែកចំនួន ២៥ខ្សែដែលមានប្រវែងសរុបជាង ៦ ពាន់ ៣០០ គីឡូម៉ែត្រ ខណៈដែលបច្ចុប្បន្ននេះ វៀតណាមមានផ្លូវដែកចំនួន ៧ ដែលគ្របដណ្តប់លើប្រវែង ជាង ២ពាន់ ៤០០គីឡូម៉ែត្រ៕
អត្ថបទ៖ ស៊ើង និមល់
None
