ត្រូវបានរកឃើញដំបូងកាលពីខែកុម្ភៈ ឆ្នាំ២០១៩ ជំងឺប៉ះជ្រូកអាហ្វ្រិក បានបង្ខំឲ្យជ្រូកប្រមាណ ៦លានក្បាល ឬស្មើនឹង២០% នៃការសត្វជ្រូកចិញ្ចឹមក្នុងស្រុកសរុប ហើយបញ្ហានេះ វាបានធ្វើសាច់ជ្រូកឡើងថ្លៃ និងធ្វើឲ្យមានសម្ពាធអតិផរណាផងដែរ។
បើទោះបីជាជំងឺប៉ះជ្រូកអាហ្វ្រិក មិនធ្វើឲ្យប៉ះពាល់ដល់ជីវិតមនុស្ស ប៉ុន្ដែ វាបានសម្លាប់ជីវិតសត្វជ្រូកជាច្រើន ហើយវាគ្មានថ្នាំវ៉ាក់សាំងនោះឡើយ។
ការនាំចូលសត្វជ្រូកពូជលើកដំបូង ២៥០ ក្បាល ត្រូវបាននាំចូលរួចហើយពីប្រទេសថៃ ទៅកាន់វៀតណាម ហើយជ្រូកទាំងនោះ ត្រូវបានគេរំពឹងថា នឹងចាប់ផ្ដើមបង្កើតកូនបាននៅចុងឆ្នាំនេះ។ នេះបើតាមការអះអាងរបស់លោក Phung Duc Tien អនុរដ្ឋមន្ត្រីកសិកម្មវៀតណាម តាមរយៈទីភ្នាក់ងារព័ត៌មានវៀតណាម។
អត្ថបទទាក់ទង!
ប្រភពព័ត៌មានឲ្យដឹងទៀតថា តម្លៃជ្រូកនាំចូលមានចាប់ពីជាង ៥៥៨ ដុល្លារអាមេរិក ទៅជាង ៦៤៣ ដុល្លារ ក្នុងមួយក្បាល។
លោក Tien បន្ថែមថា ក្រុមហ៊ុនក្នុងស្រុកបានស្វែងរកការអនុញ្ញាតឲ្យនាំចូលជ្រូកពូជសរុបចំនួន ១១ម៉ឺនក្បាល នៅឆ្នាំនេះ។
រដ្ឋាភិបាលវៀតណាមបានបញ្ជាក់នៅក្នុងខែមីនាថា អតិផរណាក្នុងប្រទេសវៀតណាមអាចមានដល់ ៤,២២% នៅឆ្នាំនេះ ប្រសិនបើតម្លៃសាច់ជ្រូកអាចនឹងកាត់បន្ថយនៅក្នុងប្រទេស ខណៈដែលវៀតណាមមានតម្រូវការសាច់ជ្រូកប្រមាណ ៣ភាគ៤ នៃបរិមាណតម្រូវការប្រើប្រាស់សាច់សរុប៕
None
