លោក ស៊ី ជិនភីង គ្រោងបង្ហាញផែនការជំរុញសេដ្ឋកិច្ច ខណៈសង្គ្រាមពាណិជ្ជកម្មជាមួយអាម៉េរិក កំពុងឡើងកម្ដៅ
ប្រធានាធិបតីចិន លោក ស៊ី ជិនភីង កំពុងត្រៀមចូលរួមកិច្ចប្រជុំសភាប្រជាជនចិន ដែលជាកិច្ចប្រជុំនយោបាយធំបំផុតប្រចាំឆ្នាំនៅថ្ងៃទី៥ ខែមីនា ខាងមុ…
ទោះបីសេដ្ឋកិច្ចពិភពលោកប្រឈមនឹងភាពមិនច្បាស់លាស់នៅប៉ុន្មានឆ្នាំចុងក្រោយក៏ដោយ ប៉ុន្តែចំនួនមហាសេដ្ឋីនៅលើពិភពលោកនៅតែមានការកើនឡើង ហើយទ្រព្យសម្បត្តិផ្ទាល់ខ្លួនរបស់ពួកគេ ក៏កំពុងតែកើនឡើងផងដែរ។ ពេលនេះក្រុមមហាសេដ្ឋីកំពុងមាននិន្នាការកាន់តែខ្លាំងឡើងសម្រាប់ការចំណាយប្រាក់របស់ពួកគេដើរលេងសប្បាយនៅជុំវិញពិភពលោក ដែលជាឱកាសដ៏ល្អមួយសម្រាប់វិស័យទេសចរណ៍។
ប្រទេសស្វីស បានក្លាយជាគោលដៅទេសចរណ៍ ដ៏ទាក់ទាញបំផុត សម្រាប់ពួកមហាសេដ្ឋីទាំងនេះ ជាពិសេសមហាសេដ្ឋីអង់គ្លេស តែម្ដង ខណៈប្រទេសនេះ មានសណ្ឋាគារទំនើបៗលំដាប់ផ្កាយ៥ កាន់តែច្រើនឡើងដោយភាគច្រើនត្រូវបានសាងសង់ឡើងនៅសតវត្សរ៍ទី២០។
បច្ចុប្បន្នសណ្ឋាគារភាគច្រើនត្រូវបានជួសជុលឡើងវិញ ទៅតាមស្តង់ដាខ្ពស់បំផុត ដើម្បីឆ្លើយតបទៅតាមតម្រូវការរបស់ភ្ញៀវទេសចរដោយបានបង្កើតកន្លែងស្ប៉ាប្រណីតៗ ភោជនីយដ្ឋានអាហារឆ្ងាញ់ និងមានអាងហែលទឹករំលេចដោយទេសភាពដ៏ស្រស់ស្អាតទៀតផង ហើយក៏មានកន្លែងជិះស្គីនៅតាមជម្រាលភ្នំផងដែរ។
ទីផ្សារទេសចរសំខាន់ៗរបស់ប្រទេសស្វីស រួមមាន សហរដ្ឋអាម៉េរិក ប្រទេសចិន និងតំបន់អាស៊ីអាគ្នេយ៍។ អ្នករៀបចំសណ្ឋាគារជនជាតិ ស្វីស បាននិយាយថា ភ្ញៀវជនជាតិអាម៉េរិក រំពឹងថា នឹងមានការបម្រើសេវាកម្រិតសណ្ឋាគារផ្កាយ៥ រួមទាំងសេវារៀបចំបន្ទប់២៤ម៉ោង ដើម្បីឱ្យពួកគេអាចបញ្ជាទិញអាហារនៅពេលយប់ជ្រៅផងដែរ។
ទន្ទឹមនឹងនេះ ប្រទេសចិន និងឥណ្ឌា គឺជាទីផ្សារដែលកំពុងរីកចម្រើន ហើយក្រុមអ្នកធ្វើដំណើរដំបូងមកពីប្រទេសទាំងពីរនេះ គឺស្ថិតក្នុងចំណោមអ្នកមានទ្រព្យស្ដុកស្ដម្ភបំផុត។ ដូច្នេះហើយពេលនេះប្រទេសស្វីស កំពុងចាប់ផ្តើមទទួលបាននិន្នាការនៃការដើរកម្សាន្តរបស់មហាសេដ្ឋីនៅជុំវិញពិភពលោក៕
អត្ថបទ៖ សុខ មង្គល
