លោក វារ៉ាត់ ការូចិត (Warat Karuchit) ទីប្រឹក្សាមជ្ឈមណ្ឌលគ្រប់គ្រងស្ថានភាពកូវីដ១៩របស់ថៃ បាននិយាយថា យោងតាមអគ្គនាយកនៃនាយកដ្ឋានបទប្បញ្ញត្តិ និងគុណវុឌ្ឍិ នៃអង្គការសុខភាពពិភពលោក លោក រ៉ូជីរីអូ ហ្គាស្ពា (Rogerio Gaspar) បានឲ្យដឹងថា វ៉ាក់សាំង AstraZeneca ដែលផលិតដោយក្រុមហ៊ុន Siam Bioscience របស់ថៃ បានទទួលការបញ្ជាក់ និងចុះឈ្មោះនៅក្នុងបញ្ជីសម្រាប់ការប្រើប្រាស់បន្ទាន់របស់អង្គការសុខភាពពិភពលោករួចហើយ។
វ៉ាក់សាំងនេះ ត្រូវបានត្រួតពិនិត្យដោយអង្គការសុខភាពពិភពលោក អាជ្ញាធរនិយ័តករវ៉ាក់សាំងរួចរាល់អស់ហើយ។
គួរបញ្ជាក់ថា អង្គការសុខភាពពិភពលោកបានអនុញ្ញាតឲ្យមានការប្រើប្រាស់បន្ទាន់នូវវ៉ាក់សាំង AstraZeneca របស់អង់គ្លេសចាប់តាំងពីខែកុម្ភៈឆ្នាំ២០២១ ហើយវ៉ាក់សាំងនេះ ក៏ត្រូវបានអនុញ្ញាតឲ្យផលិតបន្ដនៅក្នុងប្រទេសមួយចំនួនផ្សេងទៀតផងដែរ ដូចជានៅឥណ្ឌា ជប៉ុន និងប្រទេសថៃជាដើម។
អត្ថបទទាក់ទង!
តាមការរាយការណ៍របស់ក្រុមហ៊ុន AstraZeneca គិតត្រឹមខែកញ្ញាកន្លងទៅនេះ មានមនុស្សយ៉ាងហោចណាស់ ៥៨៥លាននាក់ហើយ ដែលបានចាក់វ៉ាក់សាំងនេះចំនួន១ដូសនៅទូទាំងពិភពលោក
សូមបញ្ជាក់ថា វ៉ាក់សាំងដែលទទួលបានការអនុញ្ញាតឲ្យប្រើប្រាស់បន្ទាន់ពីអង្គការសុខភាពពិភពលោក មានចំនួន៧ប្រភេទហើយគិតមកទល់ពេលនេះ រួមមានវ៉ាក់សាំងប្រភេទ AstraZeneca, Pfizr-BioNTech, Johnson & Johnson, Moderna, Sinovac និង Sinopharm។
តាមតួលេខដែលរៀបរៀងដោយសារព័ត៌មាន Bloomberg គិតមកទល់ពេលនេះ ការចែកចាយវ៉ាក់សាំងនៅទាំងពិភពលោកសរុប ជាង៦ពាន់៦រយលានដូសហើយ។ ក្នុងនោះ ចិនមានវ៉ាក់សាំងច្រើនជាងគេដល់ទៅជាង ២ពាន់លានដូស បន្ទាប់មកប្រទេសឥណ្ឌាមានជិត១ពាន់លានដូស អឺរ៉ុបមានជិត៦០០លានដូស និងអាមរិកមានជាង៤០០លានដូស៕
None
