ទោះយ៉ាងណា ក៏នៅមិនទាន់ដឹងប្រាកដនៅឡើយទេថា តើអ្នកដែលបានឆ្លងអូមីក្រុងទម្រង់ដើមរួចហើយ អាចនឹងឆ្លងមេរោគអូមីក្រុងទម្រង់ថ្មី BA.2 ទៀតដែរឬក៏អត់នោះទេ។
ទោះយ៉ាងណា គេអាចមើលឃើញពីសមត្ថភាពនៃមេរោគអូមីក្រុងដើមនាពេលកន្លងមក ដែលមានកម្រិតចម្លងខ្ពស់។ តួយ៉ាង តាមការសិក្សាមួយនៅអង់គ្លេសបង្ហាញថា ក្នុងចំណោម ២ភាគ៣នៃ អ្នកឆ្លងមេរោគបំប្លែងថ្មីអូមីក្រុង បាននិយាយថា ពួកគេធ្លាប់បានឆ្លងមេរោគកូវីដ១៩ពីមុន។
យ៉ាងណាមិញ លោកស្រី Van Kerkhove បានសង្កត់ធ្ងន់ថា មិនមានការបង្ហាញពីភាពខុសប្លែកគ្នានៃភាពធ្ងន់ធ្ងរនៃការឆ្លងមេរោគដែលបង្កឡើងដោយអូមីក្រុងទម្រង់ថ្មីណាមួយនោះទេ ប៉ុន្ដែអ្នកជំនាញរូបនេះអះអាងថា មេរោគបំប្លែងអូមីក្រុង គឺមិនធ្វើឱ្យមនុស្សឈឺធ្ងន់ធ្ងរដូចមេរោគបំប្លែងថ្មីប្រភេទ អាល់ហ្វា និងឌែលតានោះទេ បើទោះជាវាកំពុងចរាចររីករាលដាលលឿនជាងគេក៏ដោយ។
អត្ថបទគួរអាន
ទន្ទឹមនឹងការតាមដានរបស់អង្គការសុខភាពពិភពលោក ក៏មានអ្នកស្រាវជ្រាវនៅប្រទេសដាណឺម៉ាបានរកឃើញថា ប្រភេទអូមីក្រុងទម្រង់ថ្មី BA.2 នេះគឺឆ្លងលឿនជាងប្រភេទអូមីក្រុងដើម BA.1 ក្នុងកម្រិត ១,៥ដង ហើយវាក៏មានសមត្ថភាពខ្លាំងក្នុងការឆ្លងទៅមនុស្ស ទោះបីជាត្រូវបានចាក់វ៉ាក់សាំងកម្រិតពេញលេញ និងកម្រិតដូសជំរុញក៏ដោយ។ តែយ៉ាងណាក៏ដោយ ការចាក់វ៉ាក់សាំង នៅតែមានប្រសិទ្ធភាពខ្ពស់ក្នុងការការពារពីការធ្លាក់ខ្លួនឈឺធ្ងន់ធ្ងរ និងការស្លាប់ ដោយសារកូវីដ១៩ ទោះបីជាវាអាចមិនការពារការឆ្លងបានទាំងស្រុងក៏ដោយ។ ជាមួយគ្នានេះ WHO ក៏បានអំពាវនាវឱ្យមនុស្សនទៅចាក់វ៉ាក់សាំង និងពាក់ម៉ាស់ពេលចេញទៅទីសាធារណៈផងដែរ។
សូមជម្រាបថា រដ្ឋភាគច្រើននៅក្នុងសហរដ្ឋអាមេរិកថ្មីៗនេះ បានបញ្ជាក់ពីវត្តមានរបស់មេរោគទម្រង់ថ្មីនៃអូមីក្រុង BA.2 នេះហើយ ទោះបីជាវាកំពុងចរាចរក្នុងកម្រិតទាបជាមួយនឹងករណីសរុបសរុបទើបតែជាង ៤៦០ករណីរហូតមកដល់ពេលនេះក៏ដោយ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
