លោក កៅ ហ្វេង អ្នកនាំពាក្យក្រសួងពាណិជ្ជកម្មចិន បានគូសបញ្ជាក់ថា ចិនមានទំនុកចិត្ត និងមានសមត្ថភាពក្នុងការប្រយុទ្ធប្រឆាំងនឹង មេរោគដ៏កាចសាហាវនេះ ដូច្នេះហើយ ចិន គ្មានវិធានការណាមួយ ដែលប៉ះពាល់ដល់ទំនាក់ទំនងពាណិជ្ជកម្មអន្តរជាតិនោះទេ មានតែគាំទ្របន្ថែម ឲ្យក្រុមហ៊ុនបន្តបើកដំណើរការឡើងវិញ។
ក្រសួងពាណិជ្ជកម្មចិន ក៏បានប្រកាសថា នឹងបន្តពង្រឹងការផ្តល់សេវាកម្ម និងធានារ៉ាប់រងដល់ ក្រុមហ៊ុនបរទេស ដែលវិនិយោគនៅក្នុងប្រទេសចិន ក៏ដូចជាការផ្តល់ការលើកទឹកចិត្តដល់ការវិនិយោគ និងជំរុញឲ្យចាប់ផ្តើមដំណើរការនូវគម្រោងដែលបានព្រាងទុក។
លោក កៅ ហ្វេង ក៏រំពឹងដែរថា បណ្តាប្រទេសជាដៃគូវិនិយោគ និងពាណិជ្ជកម្ម នឹងចូលរួមក្នុងកិច្ចខិតខំប្រឹងប្រែងសម្របសម្រួលពាណិជ្ជកម្មអន្តរជាតិ ឲ្យកាន់តែប្រសើរឡើង និងប្រយុទ្ធប្រឆាំងនឹងមេរោគកូរ៉ូណា។
អត្ថបទទាក់ទង!
បើតាម អ្នកជំនាញ បានព្យាករដែរថា មេរោគកូរ៉ូណានេះ នឹងកាត់បន្ថយកំណើនសេដ្ឋកិច្ចចិន ចន្លោះពី ០,៥% ទៅ ១% សម្រាប់ឆ្នាំ ២០២០នេះ ដែលពីមុន កំណើនសេដ្ឋកិច្ចចិន រំពឹងនឹងសម្រេចបាន ៥,៩% តែយ៉ាងណា បញ្ហាមេរោគកូរ៉ូណា ទើបតែចាប់ផ្តើមបានមួយរយៈពេលខ្លី ដូច្នេះហើយ គេមិនទាន់អាចវាយតម្លៃ និងប៉ាន់ប្រមាណបានត្រឹមត្រូវនោះទេ។ បច្ចុប្បន្ន ការគ្រប់គ្រងលើបញ្ហានេះ ជាអាទិភាពទីមួយរបស់រដ្ឋាភិបាលចិន អាស្រ័យហេតុនេះ ផលប៉ះពាល់ដល់សេដ្ឋកិច្ច ប្រាកដជាកើតមានដូចជា តម្រូវការសេវាកម្ម និងផលិតផលនានា មានការធ្លាក់ចុះ ហើយបញ្ហាជាច្រើននឹងកើតមាន ក្នុងខ្សែច្រវ៉ាក់ផលិតកម្ម ការវិនិយោគ និងការនាំចេញទំនិញ។
គួរជម្រាបដែរថា សហគ្រាសធំៗជាច្រើននៅក្នុងប្រទេសចិន បានចាប់ផ្តើមបើកដំណើរការឡើងវិញជាបណ្តើរៗហើយ ហើយនៅតាមតំបន់នីមួយៗ រដ្ឋាភិបាលចិន ក៏មានបែងចែកកញ្ចប់ថវិកាពិសេស សម្រាប់ជួយឧបត្ថម្ភធន ដល់សហគ្រាសដែលរងគ្រោះធ្ងន់ធ្ងរ ដោយសារតែមេរោគកូរ៉ូណា៕None
