កម្មវិធីនេះមានឯកទេសគ្រប់គ្រងកំណត់ត្រាព្យាបាលអ្នកជំងឺ និងប្រព័ន្ធគ្រប់គ្រងព័ត៌មានរដ្ឋបាលមន្ទីរពេទ្យរដ្ឋ ឯកជន និងគ្លីនិកស្វ័យប្រវត្តិ ហើយដាក់ទិសដៅជួយដល់ការគ្រប់គ្រងរបស់ ថ្នាក់ដឹកនាំមន្ទីរពេទ្យរដ្ឋនិងឯកជនជំនាន់ថ្មី។
ប្រធានក្រុមស្ថានិកកម្មវិធី"ពេទ្យយើង" លោកស្រី ប៉ុង លីមសាន បញ្ជាក់ថា មូលហេតុនាំឲ្យគាត់ចាប់អារម្មណ៍ និងផលិតកម្មវិធីប្រព័ន្ធគ្រប់គ្រង "ពេទ្យយើង" ដោយសារតែមើលឃើញពីកង្វះចន្លោះក្នុងការគ្រប់គ្រងទិន្នន័យ នៅតាមមន្ទីរពេទ្យនិងគ្លីនិកនានាក្នុងប្រទេសកម្ពុជា។ កន្លងទៅ មន្ទីរពេទ្យមួយចំនួនពុំទាន់មានប្រព័ន្ធគ្រប់គ្រងកំណត់ត្រាព្យាបាល និងព័ត៌មានអ្នកជំងឺជាក់លាក់ នាំឱ្យបាត់ប្រវត្តិជំងឺ ជាពិសេស ធ្វើឱ្យពលរដ្ឋបាត់បង់ទំនុកចិត្តក្នុងការទទួលយកសេវាព្យាបាលតែម្តង។ លើកឡើងថា ក្រៅពីបង្កើនទំនុកចិត្តចំពោះគុណភាពព្យាបាល ការចងក្រងទិន្នន័យគ្រប់គ្រងមន្ទីរពេទ្យតាមបែបទំនើបនិងវិជ្ជាជីវៈ កម្មវីនេះក៏នឹងជួយកាត់បន្ថយថ្លៃចំណាយរដ្ឋបាលរបស់មន្ទីរពេទ្យ ប្រមាណ១០% ក្នុងរយៈពេលអនុវត្តពេញលេញរយៈពេល១៨ខែ។
តើបានអានអត្ថបទនេះ ឬនៅ?
បច្ចុប្បន្ន កម្មវិធីគ្រប់គ្រង "ពេទ្យយើង" ត្រូវបានប្រើប្រាស់ដោយមន្ទីរពេទ្យ និងគ្លីនិកឯកជនជាង៧០ នៅទូទាំងប្រទេស។ ចំពោះតម្លៃវិញ លក់ដាច់ចាប់ពី 5000ដុល្លាឡើងទៅ ហើយក៏មានជម្រើសផ្សេងទៀតសម្រាប់អតិថិជនដែរ។
កម្មវិធីប្រព័ន្ធគ្រប់គ្រង "ពេទ្យយើង" និងពេទ្យកោសល្យក្នុងការដឹកនាំក្រុមហ៊ុនរបស់សហគ្រិនស្ត្រីឆ្នើម លោកស្រី ប៉ុង លីមសាន ថ្មីៗនេះ បានជាប់ចំណាត់ថ្នាក់ជាស្ត្រីដឹកនាំគំរូទាំង២១រូបនៅកម្ពុជា ដោយក្រុមហ៊ុនគាំទ្រសហគ្រិនភាពរបស់ស្ត្រី និងគំនិតច្នៃប្រឌិតឈ្មោះ វីម៉ិនតូម (Womentum) មានការិយាល័យកណ្តាលនៅប្រទេសសិង្ហបុរី និងមូលនិធិអាល្លឺម៉ង Konrad Adenauer Stiftung មានការិល័យកណ្តាលនៅក្រុងប៊ែកឡាំង។
ស្ថាបនិកក្រុមហ៊ុនផលិតកម្មវិធីគ្រប់គ្រងមន្ទីរពេទ្យឌីជីថល "ពេទ្យយើង" ទើប ត្រូវបានជ្រើសរើសជាម្ចាស់ជ័យលាភីសហគ្រិនស្ត្រីកម្ពុជាក្នុងវិស័យបច្ចេកវិទ្យាក្នុងកម្មវិធីស្ត្រីកម្ពុជាក្នុងវិស័យព័ត៌មានវិទ្យាប្រចាំឆ្នាំ២០១៩ ដែលរៀបចំដោយក្រសួងប្រៃសណីយ៍ និងទូរគមនាគមន៍ចំពោះគំនិតច្នៃប្រឌិតបង្កើតកម្មវិធីប្រព័ន្ធគ្រប់គ្រងមន្ទីរពេទ្យឌីជីថលថ្មី និងទំនើប៕
None
