សណ្ឋាគារលំដាប់ថ្នាក់អន្តរជាតិនេះ មានទីតាំងស្ថិតនៅចំបេះដូងនៃរាជធានីភ្នំពេញ ក្បែរសារមន្ទីរជាតិ ដែលមានកម្ពស់ ១៤ជាន់ សង់លើផ្ទៃដីជាង ៧ពាន់ម៉ែត្រក្រឡា ស្ថិតក្នុងសង្កាត់ទន្លេបាសាក់ ខណ្ឌចម្ការមន។
លោក Andrew Mensforth អនុប្រធានតំបន់នៃក្រុមហ៊ុន Hyatt អាស៊ីប៉ាស៊ីហ្វិក បានធ្វើការអះអាងថា ដោយសារតែការមើលឃើញពីការរីកលូតលាស់នៃវិស័យទេសចរណ៍កម្ពុជា និងតម្រូវការសណ្ឋាគារលំដាប់ប្រណីត នៅកម្ពុជា ជាពិសេស នៅរាជធានីភ្នំពេញ ទើបក្រុមហ៊ុន Hyatt សម្រេចវិនិយោគនៅទីនេះ ដោយមិនមានការស្ទាក់ស្ទើរ។
សំណង់អគារសណ្ឋាគារ Hyatt Regency Phnom Penh នៅក្នុងខណ្ឌចម្ការមន រាជធានីភ្នំពេញ។
តើបានអានអត្ថបទនេះ ឬនៅ?
លោក Andrew បានបន្តឲ្យដឹងថា គម្រោងសណ្ឋាគារ Hyatt Regency Phnom Penh ជាគម្រោងវិនិយោគទី២ នៅកម្ពុជាហើយ បន្ទាប់ពីគម្រោងទី១ ធ្វើឡើងនៅក្នុងខេត្តសៀមរាប ហើយក្រុមហ៊ុន Hyatt នឹងបន្តពង្រីកការវិនិយោគបន្ថែមទៀត នៅក្នុងប្រទេសកម្ពុជាដ៏មានសក្តានុពលមួយនេះ។
ដោយឡែក លោក សៃម៉ុន ដេល អនុប្រធានជាន់ខ្ពស់ផ្នែកសណ្ឋាគារ និងបដិសណ្ឋារកិច្ច នៃក្រុមហ៊ុន ជីប ម៉ុង រីថេល បានឲ្យដឹងដែរថា ការចាប់ដៃគូវិនិយោគជាមួយក្រុមហ៊ុនសណ្ឋាគារ Hyatt គឺជាមោទនភាពមួយ ក្នុងការពាំនាំបទពិសោធន៍គ្រប់គ្រងសណ្ឋាគារលំដាប់អន្តរជាតិមកកាន់ប្រទេសកម្ពុជា និងដើម្បីបំពេញចន្លោះប្រហោងនៃតម្រូវការសណ្ឋាគារលំដាប់ខ្ពស់នៅក្នុងប្រទេសកម្ពុជា៕
None
