Popular

សេដ្ឋកិច្ចថៃនៅឆ្នាំ២០២១នេះ ត្រូវបានធនាគារកណ្តាលរបស់ខ្លួន ធ្វើការព្យាករថា នឹងអាចមានកំណើនទាបជាងអ្វីដែលបានព្យាករទុក។ កំណើនទាបជាងការព្យាករ គឺដោយសារតែរលកឆ្លងកូវីដ-១៩ជាថ្មី កំពុងបន្ដបោកបក់វាយប្រហារមកលើប្រទេសថៃនេះ មិនទាន់ស្រាកស្រាន្ដនៅឡើយទេ។ យ៉ាងណាមិញ នៅត្រីមាសទី១ឆ្នាំនេះ សេដ្ឋកិច្ចថៃមិនសូវធ្វើបានល្អនោះទេ ដោយអ្នកជំនាញសេដ្ឋកិច្ចមើលឃើញថា វាអាចនៅតែមានតួលេខកំណើនអវិជ្ជមាន បើធៀបនឹងត្រីមាសទី១កាលពីឆ្នាំ២០២០។ នេះបើតាមការរាយការណ៍ដោយបាងកកប៉ុស្ដិ៍។