#គម្រោងវិនិយោគ

ប្រទេសដែនកោះដ៏តូចត្រឡឹងសិង្ហបុរី បានវ៉ាឈ្នះចិន ដែលជាមហាអំណាចសេដ្ឋកិច្ចធំបំផុតទី២នៅលើពិភពលោកក្លាយជាប្រភពវិនិយោគផ្ទាល់ពីបរទេស (FDI) ធំបំផុតនៅក្នុងប្រទេសថៃ កាលពីឆ្នាំ២០២៤ កន្លងទៅ ខណៈដែលក្រុមហ៊ុនចិន និងក្រុមហ៊ុនអាម៉េរិក កាន់តែច្រើនឡើងប្រើប្រាស់ទឹកដីសិង្ហបុរី ធ្វើជាទីតាំងមូលដ្ឋានសម្រាប់ផ្តួចផ្តើមគម្រោងនានា ជាពិសេសគម្រោងបង្កើតមជ្ឈមណ្ឌលរក្សាទិន្នន័យថ្មីៗ និងរោងចក្រផលិតគ្រឿងអេឡិចត្រូនិក។ ក្រុមប្រឹក្សាវិនិយោគថៃ (BoI) បានព្យាករថា ការវិនិយោគនៅក្នុងប្រទេសថៃ នឹងមានសន្ទុះកើនឡើងខ្លាំងនៅឆ្នាំ២០២៥ នេះ។