#ការវិនិយោគ

ក្រុមអ្នកជំនាញនៅក្នុងវិស័យឧស្សាកម្ម បានកត់សម្គាល់ឃើញថា នៅដើមឆ្នាំ២០២៣នេះ ទោះបី វិស័យកាត់ដេរ វាយនភណ្ឌរបស់កម្ពុជា មិនទាន់អាចវិលត្រឡប់រកស្ថានភាពធម្មតា១០០% មុនពេលមានវិបត្តិកូវីដ១៩ ក៏ដោយចុះ ប៉ុន្ដែចំពោះស្ថានភាពវិនិយោគក្នុងវិស័យដែលជាជន្ទល់សេដ្ឋកិច្ចមួយនេះ នៅតែមានសម្ទុះគួរឲ្យកត់សម្គាល់។ តាមរយៈសកម្មភាពវិនិយោគក្នុងវិស័យកាត់ដេរ ត្រូវបានក្រុមអ្នកជំនាញរំពឹងថានឹងកាន់តែបង្ហាញសញ្ញាណវិជ្ជមានសម្រាប់ការផលិត និងនាំចេញផលិតផលកាត់ដេររបស់កម្ពុជាទៅកាន់ទីផ្សារអន្តរជាតិ ទោះបីនៅមួយរយៈចុងក្រោយនេះការបញ្ជាទិញមានការថយចុះក្តី។