#ផ្សារមូលបត្រកម្ពុជា

និយតករមូលបត្រកម្ពុជា (SERC) ថ្មីៗនេះ ទើបតែបានអនុម័តការចុះបញ្ជីសាធារណៈរបស់ក្រុមហ៊ុន DBD Engineering Plc ដើម្បីឈានទៅចុះបញ្ជីនៅក្នុងក្រុមហ៊ុនមូលបត្រកម្ពុជា (CSX)នាពេលឆាប់ៗនេះ។ ក្រុមហ៊ុនដែលដែលទើបទទួលបានភ្លើងខៀវពីនិយ័តករមូលបត្រកម្ពុជាមួយនេះ គឺជាក្រុមហ៊ុនរកស៊ី ពហុមុខងារ មានទាំងផ្នែកវិស្វកម្ម និងសំណង់ ព្រមទាំងមានផ្គត់ផ្គង់ផលិតផលពាក់ព័ន្ធនឹងវិស័យសំណង់ផងដែរ។ ឯកឧត្តម ស៊ូ សុជាតិ អគ្គនាយកនៃនិយ័តមូលបត្រកម្ពុជា រំពឹងថា ក្រៅពីក្រុមហ៊ុននេះ ក៏នឹងមានក្រុមហ៊ុនចំនួន ១ឬ២ទៀត អាចនឹងមកចុះបញ្ជីនៅក្នុងឆ្នាំនេះដែរ។