ក្រុមហ៊ុន Ezecom/Telcotech គឺជា ក្រុមហ៊ុន ផ្តល់សេវាអិនធឺណិតលំដាប់ខ្ពស់ ដែលបម្រើ តម្រូវការទីផ្សារសេវាអ៊ិនធឺណិត សម្រាប់ក្រុមហ៊ុនសហគ្រាស និងតាមលំនៅដ្ឋាន ក្នុងប្រទេសកម្ពុជា។ សម្រាប់ទឹកប្រាក់ដែលបានពីការបោះផ្សាយ មូលបត្រ បំណុលនេះ ដើម្បីវិនិយោគបន្ថែមទៀតលើប្រព័ន្ធ អេកូឡូស៊ី ឌឺជីថល របស់ប្រទេសកម្ពុជា។
ក្រុមហ៊ុន មូលបត្រ _ SBI Royal Securities គឺជា ទីប្រឹក្សា ហិរញ្ញវត្ថុ និង ភ្នាក់ងារធានាទិញ មូលបត្របំណុល ដែលត្រូវបានរំពឹងថា ដោយការលក់បណ្ណបំណុលនេះអាចនឹងធ្វើឡើងនៅត្រីមាសទី៣ ឆ្នាំនេះ ។
លោកស្រី Yuni Lee Heathcote អគ្គនាយិការបស់ក្រុមហ៊ុន EZECOM បាន ថ្លែងថា “ក្រុមហ៊ុន EZECOM ផ្តល់តម្លៃដល់ប្រព័ន្ធ អេកូឡូស៊ី (eco -systems ) ធុរកិច្ច របស់ យើង យ៉ាងខ្លាំង មិនថាចំពោះ អតិថិជន ដៃគូ ឬ និយ័តករនោះទេ”។
អត្ថបទគួរអាន
អ្នក ឧកញ៉ា គិត ម៉េង ប្រធានក្រុមហ៊ុន Royal Group of Companies បានថ្លែងថា “ក្រុមហ៊ុន Ezecom រួមជាមួយនឹង ក្រុមហ៊ុន Telcotech គឺជា ក្រុមហ៊ុនខ្មែរ ១០០ % ដែលធ្វើការងារ ផ្តោតលើការផ្តល់ ជូននូវវិសាលភាព គ្រប ដណ្តប់ និង ការតភ្ជាប់អ៊ិនធឺណិតប្រកបដោយ គុណភាព និង ប្រសិទ្ធភាពខ្ពស់ សម្រាប់ប្រជាជនកម្ពុជា ។
ការបោះផ្សាយ មូលបត្របំណុលនេះ នឹង ផ្តល់ លទ្ធភាពឱ្យក្រុមហ៊ុននេះបន្ត ដឹកនាំឆ្ពោះទៅមុខបន្តទៀត ក្នុង ការបង្កើតអនាគតឌីជីថលរបស់ កម្ពុជា តាមរយៈការវិនិយោគលើបច្ចេកវិទ្យាទំនើបៗ និង យុទ្ធសាស្ត្រឌីជីថល ។
គួរបញ្ជាក់ថា ក្រុមហ៊ុន Ezecom/Telcotech បាននទទួលការអនុម័តពីនិយតករមូលបត្រកម្ពុជាសម្រាប់ការបោះផ្សាយលក់មូលបត្របំណុលនេះ នៅថ្ងៃទី ២៣ ខែកក្កដា ឆ្នាំ ២០២១ និងពី ផ្សារមូលបត្រកម្ពុជា នៅថ្ងៃទី១៩ ខែសីហា ឆ្នាំ ២០២១៕
អត្ថបទ៖ ហួន ស្រីនីត
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
