#ប្រទេស​ចិន​

ភាពតានតឹងរវាងចិន ជាមួយនឹងកោះតៃវ៉ាន់ ឃើញថា ការិយាល័យកិច្ចការកោះតៃវ៉ាន់របស់ចិន បាននិយាយនៅថ្ងៃពុធនេះថា សមយុទ្ធយោធាចិនដែលធ្វើនៅក្បែរកោះតៃវ៉ាន់នោះ គឺមានគោដៅលើកកម្ពស់កងកម្លាំង និងជាសកម្មភាពមួយដើម្បីការពារសន្តិភាព និងស្ថិរភាពតែប៉ុណ្ណោះ។ ខណៈភាគីតៃវ៉ាន់វិញបានចេញមុខឡើងលើកថា ភាពតានតឹងផ្នែកយោធាជាមួយចិនកាន់តែអាក្រក់ទៅៗ ហើយតៃវ៉ាន់បានមើលឃើញថា ប្រទេសចិននឹងមានលទ្ធភាពបង្កើនការលុកលុយទ្រង់ទ្រាយធំមកលើកោះតៃវ៉ាន់នៅត្រឹមឆ្នាំ ២០២៥ ។ នេះបើយោងតាមការចុះផ្សាយដោយសារព័ត៌មានរ៉យទ័រ។