#អ៊ុយក្រែន

ភ្លើងសង្រ្គាមនៅអ៊ុយក្រែន ដែលបង្កាត់ឡើងរុស្ស៊ី កំពុងវិវត្តខ្លួនឈានចូលរបត់ថ្មីមួយដ៏គ្រោះថ្នាក់។ បើទោះបីជាសមរភូមិបង្ហូរឈាមនៅតែស្ថិតក្នុងទឹកដីអ៊ុយក្រែន ក៏ដោយ ប៉ុន្តែពេលនេះសមត្ថភាពយោធារបស់អ៊ុយក្រែន កំពុងបង្កើតជាបញ្ហាឈឺក្បាលដ៏ធំមួយខុសប្លែកពីមុនសម្រាប់ទីក្រុងមូស្គូ ដោយកងកម្លាំងអ៊ុយក្រែន បានប្តូរយុទ្ធសាស្ត្រវាយប្រហារបុកចូលជ្រៅទៅលើហេដ្ឋារចនាសម្ព័ន្ធ និងមូលដ្ឋានគ្រឹះសេដ្ឋកិច្ច នៅក្នុងទឹកដីរបស់រុស្ស៊ីផ្ទាល់តែម្តង។