ដោយ
ខន ណារី
បច្ចុប្បន្នកម្ពុជាមានតំបន់សេដ្ឋកិច្ចពិសេសជាង៥០កន្លែង ដែលបម្រើឲ្យការអភិវឌ្ឍន៍សេដ្ឋកិច្ច និងសង្គម ក៏ប៉ុន្តែក្នុងចំណោមតំបន់សេដ្ឋកិច្ចពិសេសទាំងនេះ ក៏មានតំបន់សេដ្ឋកិច្ចពិសេសមួយចំនួនហាក់មិនសូវមានសកម្មភាព និងប្រើប្រាស់ឲ្យអស់សក្ដានុពលនៅឡើយ។ ជុំវិញបញ្ហានេះ អ្នកជំនាញសេដ្ឋកិច្ចយល់ឃើញថា កត្តាដែលធ្វើឲ្យតំបន់សេដ្ឋកិច្ចពិសេសមួយចំនួននៅកម្ពុជា មិនសូវមានសកម្មភាពច្រើន គឺដោយសារការទាក់ទាញអ្នកវិនិយោគនៅមានកម្រិត ពិសេសវិស័យឧស្សាហកម្មនៅកម្ពុជាមិនទាន់រីកចម្រើនខ្លាំងបើធៀបនឹងប្រទេសដទៃ។