​ ខេមបូណូមីស

ដោយសារទីផ្សារអង្ករវៀតណាម នៅក្នុងឆ្នាំ២០២៥ មានបញ្ហាស្មុគស្មាញ និងរងហានិភ័យ ព្រមទាំងជួបបញ្ហាការផ្គត់ផ្គង់អង្ករលើសតម្រូវការជាសកលនោះ នៅក្នុងឆ្នាំ២០២៦ អ្នកក្បែរខាងកម្ពុជា មួយនេះ បានប្រកាសរុះរើរៀបចំគោលនយោបាយអង្ករជាថ្មី សំដៅកាត់បន្ថយការនាំចេញទៅកាន់ទីផ្សារអន្តរជាតិ។ កាលពីឆ្នាំ២០២៤ វៀតណាម អាចនាំចេញអង្ករបានរហូតដល់៩,២លានតោន ជាមួយនឹងចំណូ៥,៨ពាន់លានដុល្លារ តែនៅឆ្នាំ២០២៥ អាចនាំចេញបានត្រឹម៨លានតោន ជាមួយចំណូល៤,១ពាន់លានដុល្លារ ហើយនៅឆ្នាំនេះ វៀតណាម គ្រោងនាំចេញអង្ករតែ៧លានតោនតែប៉ុណ្ណោះ។