ខន ណារី

អគ្គនាយកកំពង់ផែស្វយ័តក្រុងភ្នំពេញបានអះអាងប្រាប់ខេមបូណូមីសថា ថ្វីត្បិតតែវិបត្តិកូវីដ-១៩ ក្នុងរយៈពេលជិត ២ឆ្នាំមកនេះ បានជះឥទ្ធិពលដល់សេដ្ឋកិច្ចកម្ពុជា និងប៉ះពាល់ដល់វិស័យដឹកជញ្ជូនយ៉ាងណាក៏ដោយចុះ ប៉ុន្ដែ វាមិនបានរាំងស្ទះធ្ងន់ធ្ងរទៅដល់ដំណើរការនៃការនាំចេញទំនិញរបស់កម្ពុជានោះឡើយ។ ជាក់ស្ដែង រយៈពេល ១០ខែ ក្នុងឆ្នាំ២០២១ តាមរយៈការដឹកជញ្ជូនចេញចូលនៅកំពង់ផែស្វ័យ័តក្រុងភ្នំពេញ អាចរកចំណូលបានដល់ទៅជាង ២៧លានដុល្លារ មានការកើនឡើង ១៤ភាគរយ ធៀបនឹងរយៈពេលដូចគ្នាកាលពីឆ្នាំមុន។