សោម ស្រីពេជ្រ

ផលិតផលជីកសិកម្មរបស់ក្រុមហ៊ុន វីរៈប៊ុនថាំ គ្រោងនឹងចែកចាយលក់ទូទាំងប្រទេសក្នុងពេលឆាប់ៗខាងមុខនេះ បន្ទាប់ពីរោងចក្រផលិតជីលាតសន្ធឹងលើផ្ទៃដី១០ហិកតា ដែលមានសមត្ថភាពផលិតបានប្រមាណ២០០តោនក្នុងមួយថ្ងៃរបស់ក្រុមហ៊ុននេះ ទទួលបានជោគជ័យលើការដំណើរការផលិតកម្ម។ បើតាមការអះអាងរបស់ថ្នាក់ដឹកនាំក្រុមហ៊ុន វីរៈប៊ុនថាំ ការផលិតផលជីកសិកម្មរបស់ក្រុមហ៊ុនខ្លួនមានដូចជាជីសរីរាង្គ ជីលាមកជន្លេន និងជីទឹក គឺប្រើប្រាស់វត្ថុធាតុដើមក្នុងស្រុក និងមានតម្លៃ និងគុណភាពល្អ ដែលអាចប្រកួតប្រជែងជាមួយជីនាំចូល។