សឿន វណ្ណឌេត

មន្ត្រីជាន់ខ្ពស់នៃធនាគារជាតិនៃកម្ពុជាបានគូសបញ្ជាក់ថា ធនាគារជាតិគាំទ្រឲ្យមានការទូទាត់ថ្លៃទំនិញ និងសេវាកម្មនានាជាប្រាក់យ៉ន់នៅកម្ពុជា ដ្បិតវាជាផ្នែកក្នុងការជួយសម្រួល និងជំរុញកំណើនភ្ញៀវទេសចរ និងវិនិយោគិនចិននៅកម្ពុជា។ ប៉ុន្ដែ ធនាគារជាតិគាំទ្រឲ្យទូទាត់តែតាមប្រព័ន្ធអេឡិចត្រូនិកប៉ុណ្ណោះ ពោលគឺមិនគាំទ្រឲ្យប្រើប្រាស់ជាក្រដាសប្រាក់ផ្ទាល់នោះទេ ព្រោះវាពិបាកក្នុងការគ្រប់គ្រងក្រដាសប្រាក់ និងអាចបង្កើតឲ្យមានបញ្ហាលុយក្លែងក្លាយ និងការលាងលុយជាដើម។