សឿន វណ្ណឌេត

មន្ត្រីជាន់ខ្ពស់នៃធនាគារជាតិនៃកម្ពុជា បន្តជំរុញឲ្យម្ចាស់អាជីវកម្មក្នុងវិស័យសហគ្រាសធុនតូច និងមធ្យម(SME) ដែលមិនទាន់បានចុះបញ្ជី នាំគ្នាមកចុះបញ្ជីអាជីវកម្ម ដើម្បីបង្កើនលទ្ធភាពក្នុងការទទួលបានឥណទានពីគ្រឹះស្ថានហិរញ្ញវត្ថុនានាសម្រាប់អភិវឌ្ឍន៍ និងពង្រីកអាជីកម្ម។ ការជំរុញនេះធ្វើឡើងក្រោយថ្នាក់ដឹកនាំ NBC សង្កេតឃើញ SME ភាគច្រើននៅតែខ្វះលទ្ធភាពក្នុងការទទួលបានកម្ចីពីគ្រឹះស្ថានហិរញ្ញវត្ថុ បើទោះបីរាជរដ្ឋាភិបាលមានការបន្ធូរបន្ថយនិងដាក់ចេញគោលនយោបាយធានាហានិភ័យជូនពួកគេក៏ដោយ។