Featured

ក្រសួងរ៉ែ និងថាមពលរំពឹងថា រដ្ឋនឹងទទួលបានចំណូលសួយសារ និងសារពើពន្ធចំនួន៤០លានដុល្លារអាមេរិកពីអាជីវកម្មរ៉ែមាសរបស់ក្រុមហ៊ុនអូស្ត្រាលី រ៉ឺនេសង់ មីនើរ៉ល(ខេមបូឌា)លីមីតធីត ខណៈដែលការចម្រាញ់រ៉ែមាសនេះ ត្រូវបានសម្ពោធដាក់ឲ្យដំណើរការថ្ងៃទី២១ ខែមិថុនា ឆ្នាំ២០២១ ។ យ៉ាងណាក៏ដោយចុះ អ្នកជំនាញក្នុងវិស័យសេដ្ឋកិច្ចយល់ឃើញថា ចំណូលដែលបានពីអាជីវកម្មរ៉ែមាសនេះពិតណាស់គឺជាផ្នែកមួយជំរុញដល់ការអភិវឌ្ឍ ប៉ុន្ដែ វាចូលរួមបានតិចតួចប៉ុណ្ណោះ ក្នុងការអភិវឌ្ឍសេដ្ឋកិច្ចរបស់កម្ពុជា ខណៈដែលវិស័យនេះ គឺជាធនធានមួយដែលមិនកកើតឡើងវិញនោះទេ។