Latest

សេដ្ឋកិច្ចអាស៊ានសំខាន់ៗដូចជាសិង្ហបុរី ថៃ ម៉ាឡេស៊ី និងកម្ពុជា កំពុងរងសម្ពាធកាន់តែខ្លាំងឡើងដែលជំរុញឱ្យពន្លឿនការចរចាជាមួយប្រធានាធិបតី ដូណាល់ ត្រាំ ដើម្បីឈានដល់កិច្ចព្រមព្រៀងពន្ធគយបដិការថ្មីជាមួយសហរដ្ឋអាម៉េរិក ឱ្យបានមុនឱសានវាទអនុវត្តពន្ធគយបដិការនៅថ្ងៃទី១ ខែសីហា។ ហើយប្រសិនបើគ្មានកិច្ចព្រមព្រៀងថ្មីទេ ប្រទេសទាំងនេះត្រូវប្រឈមនឹងការដំឡើងពន្ធគយខ្ពស់ រួមមានថៃ ប្រឈមពន្ធ៣៦% កម្ពុជា ប្រឈមពន្ធ៣៦% ម៉ាឡេស៊ី ប្រឈមពន្ធ២៥% ហើយសិង្ហបុរី ប្រឈមពន្ធយ៉ាងតិច១៥%។ នេះបើយោងតាមការចុះផ្សាយរបស់សារព័ត៌មាន Nikkei Asia។