Latest

រដ្ឋមន្ត្រីក្រសួងហិរញ្ញវត្ថុអាម៉េរិក ដែលជាមន្ត្រីជាន់ខ្ពស់ជិតស្និទ្ធនឹងប្រធានាធិបតី ដូណាល់ ត្រាំ បានបង្ហើបថា សហរដ្ឋអាម៉េរិកនឹងប្រកាសដាក់ទណ្ឌកម្មលើធនាគារដ៏ធំមួយក្នុងពេលឆាប់ៗខាងមុខនេះ ដែលជាផ្នែកមួយនៃយុទ្ធនាការគាបសង្កត់ផ្នែកសេដ្ឋកិច្ចលើប្រទេសអ៊ីរ៉ង់។ ទោះជាយ៉ាងណាអត្តសញ្ញាណរបស់ធនាគារយក្សមួយនេះមិនទាន់ត្រូវបានទម្លាយនៅឡើយទេ ខណៈការសង្ស័យកំពុងធ្លាក់លើស្ថាប័នហិរញ្ញវត្ថុធំៗមួយចំនួននៅចិន តួកគី អេមីរ៉ាតអារ៉ាប់រួម និងអេហ្ស៊ីប ដែលរងការចោទប្រកាន់ថាមានប្រតិបត្តិការហិរញ្ញវត្ថុជាមួយទីក្រុងតេអេរ៉ង់។