កាលបរិច្ឆេទកំណត់ សម្រាប់បិទផ្លូវអាជីវកម្មរវាង ក្រុមហ៊ុន HUAWEI និងក្រុមហ៊ុនអាមេរិក ត្រូវបានពន្យារ រយៈពេលជាង ៤០ថ្ងៃបន្ថែមទៀត ដែលដំបូងគ្រោងនឹងសម្រេចនៅថ្ងៃទី ១ ខែមេសា តែត្រូវអូសបន្ថាយដល់ ថ្ងៃទី ១៥ ខែឧសភា វិញ។
តាមពិតទៅ អាមេរិក បានបង្ហាញពីក្តីបារម្ភ ចំពោះឧបករណ៍បច្ចេកវិទ្យារបស់ HUAWEI ដែលអាចលួចចូលចំណុចចន្លោះប្រហោងជាច្រើន ដែលអាចឲ្យប្រទេសចិន ធ្វើការស៊ើបការណ៍ពី ទិន្នន័យចរាចរណ៍ទំនាក់ទំនងសកលលោក តែយ៉ាងណា HUAWEI បដិសេធការចោទប្រកាន់នេះ។យ៉ាងណាក៏ដោយ ក្រុមហ៊ុនអាមេរិក និងប្រជាពលរដ្ឋអាមេរិក មួយចំនួន ដែលកំពុងតែប្រើប្រាស់បច្ចេកវិទ្យារបស់ HUAWEI គឺត្រូវតែបង្ខំចិត្ត ស្វែងរកផលិតផលផ្សេងមកជំនួស។
អត្ថបទគួរអាន
បើតាមសារព័ត៌មាន Reuters បានគូសបញ្ជាក់ថា តាមពិតទៅ អាមេរិក គ្រោងនឹងរៀបចំ កិច្ចប្រជុំសំខាន់ ទាក់ទងទៅបញ្ហាបច្ចេកវិទ្យារបស់ក្រុមហ៊ុន HUAWEI និងទំនាក់ទំនងជាមួយចិន តែយ៉ាងណា គម្រោងកិច្ចប្រជុំនេះ ត្រូវបានលុបចោល ២ដងរួចហើយ ជំនួសដោយការសម្រេចពន្យារពេលដាក់ HUAWEI ចូលក្នុងបញ្ជីខ្មៅទៅវិញ៕
None
