ព័ត៌មាន

បើគ្មានការប្រែប្រួលអាកាសយានដ្ឋានអន្តរជាតិ ភ្នំពេញ ដែលគ្រប់គ្នាភាគច្រើនស្គាល់ថា ព្រលានយន្តហោះពោធិ៍ចិនតុង អាចនឹងបិទប្រតិបត្តិការរបស់ខ្លួននៅថ្ងៃទី១០ ខែកក្កដា ឆ្នាំ២០២៥ ដែលជាថ្ងៃបើកប្រតិបត្តិការអាកាសយានដ្ឋានអន្តរជាតិ តេជោ។ ប្រមុខរាជរដ្ឋាភិបាលកម្ពុជា បានប្រកាសកាលពីពេលថ្មីៗថា ក្រោយបិទប្រតិបត្តិការព្រលានយន្តហោះនេះនឹងរក្សាទុកជាទ្រព្យសម្បត្តិរដ្ឋ និងសម្រាប់បម្រើជាផលប្រយោជន៍ដល់ប្រជាពលរដ្ឋ ពោលគឺរាជរដ្ឋាភិបាល គ្មានគោលការណ៍លក់ឱ្យក្រុមហ៊ុនឯកជនណានោះទេ។